2018年10月9日星期二

發哥拒絕台灣粉絲影大合照　苦主現身爆料⋯背後原因竟然係咁！

香港人都知道，發哥周潤發最鍾意同人合照，除咗來者不拒，仲不時幫手揸埋機添！對香港粉絲nice到核爆嘅發哥，對住台灣粉絲竟然會拒絕影大合照？實在太難以置信！有位「苦主」現身，爆出真相⋯⋯

發哥呢幾日去咗台灣宣傳新戲《無雙》，貼地嘅佢同平時喺香港鍾意搭地鐵周圍逛街一樣，「落區」去大安森林公園跑步、行陽明山，又搭捷運前往宣傳地點，係咁同途人合照、自拍，來者不拒，貫徹佢一貫作風。



巨星級嘅發哥，唔搭私家車，選擇搭捷運去宣傳電影，圈中有幾多人夠膽咁做？



發哥同途人都笑得好開心喎！



途中見到「自己」，集下郵先！



不過有台灣網民近日向FB影評專頁「膝關節」爆料，話自己曾經被發哥拒絕影大合照：「多年前與多名友人出遊，在香港偶遇發哥，要求團體一起跟他合影，發哥斷然拒絕…」唔通發哥係雙面人？



原來真相係⋯⋯「發哥表示，要就一個一個合影，這樣更有紀念價值！最後再來大合照！還說相機鏡頭髒了，幫我們擦乾淨！」影完相，發哥仲同呢班台灣遊客介紹好玩嘅景點﹐傾足15分鐘，毫無巨星架子！呢個超暖超親民嘅舉動，被台灣網民推爆！

喺香港，好運嘅話分分鐘會喺街見到發哥，原來喺台灣都一樣！



出名鍾意行山嘅發哥，去到台灣當然唔會放過陽明山



發哥鍾意做「揸機人」是常識吧！



好多記者同途人都一齊跑！



膠通消息來源：東森新聞、Elle Taiwan、中時電子報

鍾意就快D Share啦！