網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月16日 星期五

【悼林振強15】「浪子詞人」潘源良甘拜下風:輸給林振強無話可說 __,潘源良,

潘源良悼念故友林振強(右圖攝影:林德雄;左圖:圖片)
「Wellfriends別要替我灑淚兒彼此都不捨但世上永有分別時」--《MissYouMuch》作詞:林振強「鬼才詞神」林振強(Richard)妙筆生 ...


「Well friends 別要替我灑淚兒

彼此都不捨 但世上永有分別時」

--《Miss You Much》作詞:林振強



「鬼才詞神」林振強(Richard)妙筆生花,精於天馬行空帶出歌詞主題,《壞女孩》、《每天愛你多一些》、《笛子姑娘》、《零時十分》、《每一個晚上》...首首動人心弦,惟03年11月16日,林振強因淋巴癌於瑪麗醫院病逝,終年56歲,天妒英才!



悠長15年過去,近年廣東歌地位低落,林振強的詞作卻永垂不朽,跟他相識一場的朋友,念念不忘這位才華傲絕的天才詞人;84年的流行曲創作大賽上,林振強憑《空櫈》獲冠軍,潘源良雖然輸了,但兩人卻惺惺相惜;今天,潘源良仍深深懷念故友:「輸給林振強冇話可說,嗰次第一次見,我仲記得好清楚,佢話好鍾意我寫嘅嘢,其實當時我只係寫過林子祥《邁步向前》、泰迪羅賓《天外人》,我嘅事業啱啱起步,林振強已經寫咗幾年,作品好流行,香港寫詞人一個奇才,佢話鍾意我寫嘅嘢,我覺得好開心,難得有個好似哥哥嘅人幫我打氣。」



兩人成為好友後,有空就相約飲咖啡,潘Sir很欣賞這位天才橫溢的朋友:「我諗同所有8、90年代樂迷一樣,對於佢寫每首歌都非常之鍾意,畀我哋好多創意,甚至效法佢寫歌詞,佢嘅作品柔情又有,貪玩又有,男女感覺又有,天馬行空從另一角度講生命又有。佢係一個好鍾意電影、音樂、文學嘅人,佢同我講,有時睇到人寫得精采拍得好,佢會寫喺本記事簿,佢話有時諗唔到一隻歌點寫,佢會睇記事簿,嘗試可唔可以咁寫呢,佢係參考好多嘢,我嘅睇法當然絕對唔係偷,如果你偷得咁叻先講,佢係有好多功課做咗。」



林振強是一個寡言的人,但在創作上卻帶出無限色彩,對樂壇影響巨大,潘Sir坦言:「的確喺佢之前,對廣東歌處理歌詞上冇咁現代化,冇咁鬼馬活潑,佢會用好多唔同表達方法甚至詞語,故意加啲英文,舉例葉蒨文《200度》,原來廣東歌可以消化英文,呢啲係佢帶嚟廣東歌特別嘅地方,後來大家覺得可以發揚光大。」兩人更曾合作填詞夏韶聲《車站》,潘Sir將手稿保留至今:「好似接龍咁寫,嗰時fax年代,過程難得同開心,最後佢由頭到尾跟一次,半夜兩三點完成版本,佢fax過嚟後,話自己冇電要瞓。」



至於林振強的為人,潘Sir更大讚:「佢好好,從來唔會轉彎抹角,睇佢《洋蔥頭》漫畫都知,對於佢認為需要珍惜嘅好珍惜,認為要表達提醒嘅都盡力做,我哋無所不談,都係屬於唔係好識發脾氣嘅人,見到社會不平將佢轉化成創作,佢更加多途徑,又寫文章又畫卡通又寫歌詞,有乜見解都用呢種方法表達。」



意氣風發的林振強,01年不幸被癌魔纏身!潘Sir憶說:「嗰年盧國沾老師攞CASH終身成就大獎,我哋都有參加周年晚宴,因為嗰段時間Richard四圍飛,臨走我同Richard講:『你係咪jet lag好緊要?見你唔係好精神,你休息多啲喎,面色唔係幾好。』佢話:『好吖,冇嘢,睇吓幾時得閒又飲咖啡。』大約1星期後,佢打電話同我講,佢話發現咗少少cancer嘅可能性,正在化驗同處理緊,佢話呢樣嘢唔想畀人知,佢覺得我好關心佢,咁都睇到佢唔舒服,所以唔應該隱瞞。」



之後,足足有年多時間,林振強一直接受治療:「中間有啲up and down,有段時間佢好番啲,佢又會叫我哋上佢屋企食飯聚吓,嗰時佢唔係好方便出街,因為啲塵埃、空氣污染,所以佢想見我哋,就會約上佢屋企,佢最後入醫院時,唔係好畀我哋去接觸,都係家人照顧佢,嗰時佢話:『如果我冇事,出返嚟食飯』我所知佢有香港最好嘅醫生同最好嘅護理,但始終...實在可能佢家族有咁嘅基因!」



03年,林振強最終敵不過癌魔,走了!林氏四姐弟都因癌症告別人間,今年,其胞姐才女林燕妮亦因肺癌離世,潘Sir感嘆說:「當然呢個係香港好大損失,我都成日想像,如果佢哋仍然喺度,好多事情大家可以商量吓,聽吓佢哋意見、想法,但人就係咁,我哋咁嘅年紀亦要接受生老病死係常態,佢個妹同細佬我唔熟,只係講林燕妮同林振強,佢哋本身喺香港貢獻好多精彩創作、想法、意見,我覺得佢哋人生好與別不同。」



最後,有甚麼想跟天上的林振強說呢?潘Sir:「好掛住佢,我好掛住佢,其他遲吓有機會飲咖啡先傾!」



撰文:余燕儀

攝影:林德雄、廖達燊

場地:The AIR (The ONE)



【編輯推介】



【胞姊按掣火化】儀式僅五分鐘 親友灑淚送別藍潔瑛

http://bit.ly/2zcEwIO



【君如似足阿媽】賀老父夏春秋結婚54年 吳君祥嘆珍惜眼前人

http://bit.ly/2PY2zof



【全球華語金曲獎】歌手不滿大會「中港親疏有別」棄獎走人 主辦斥欠尊重

http://bit.ly/2TcBjRM



【火頭辣到曾國祥ig】火炭麗琪tag王敏奕熱情狂插:你條八婆做過咩心照!

http://bit.ly/2K6ecEg



【官方都擺烏龍】桐谷美玲赴倫敦出席《怪獸2》首映 被認錯係韓星金秀賢

http://bit.ly/2B8jRXJ



潘源良悼念故友林振強(右圖攝影:林德雄;左圖:圖片) 當年在流行曲創作大賽輸給林振強,潘Sir甘拜下風。 當年在流行曲創作大賽輸給林振強,潘Sir甘拜下風。
潘Sir:「我好掛住佢!」

潘Sir:「我好掛住佢!」
潘Sir慨嘆人總有離去一日,要接受生老病死!

潘Sir慨嘆人總有離去一日,要接受生老病死!
當年林振強受癌魔折磨,潘Sir曾到其家中探望。

當年林振強受癌魔折磨,潘Sir曾到其家中探望。
跟林振強合作填詞《車站》的手稿,潘源良仍珍藏至今。(受訪者提供)

跟林振強合作填詞《車站》的手稿,潘源良仍珍藏至今。(受訪者提供)
今日是林振強15周年忌辰(圖片)

今日是林振強15周年忌辰(圖片)
潘Sir讚林振強是香港寫詞人一個奇才(資料圖片)

潘Sir讚林振強是香港寫詞人一個奇才(資料圖片)
林振強、潘源良、林憶蓮、小美、夏韶聲

林振強、潘源良、林憶蓮、小美、夏韶聲
林燕妮(左1)林振強(左2)四姐弟相繼離世

林燕妮(左1)林振強(左2)四姐弟相繼離世

鍾意就快D Share啦!