網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月16日 星期五

【我們正在】不想再提盧凱彤自殺事件 何韻詩:好多嘢在心中(足本版) __,盧凱彤,何韻詩,

由盧凱彤8月5日跳樓自殺到而家,已經過咗3個幾月,同Ellen相識多年嘅何韻詩,放低咗件事未呢?「其實我對於呢件事都真係唔想再講咁多,因為之前做好多訪 ...




由盧凱彤8月5日跳樓自殺到而家,已經過咗3個幾月,同Ellen相識多年嘅何韻詩,放低咗件事未呢?「其實我對於呢件事都真係唔想再講咁多,因為之前做好多訪問都無可避免,我都明白大家好關心,好想知道,但係我會覺得大家應該向前看,當然我哋有好多嘢在心中,我相信如果不停重提一件事,其實都會將自己困住咗,所以我希望大家都可以搵到一種力量,去衝破一啲嘢,然後向前看,點樣真係令我哋可以過得好啲。」

阿詩選擇積極面對,將傷痛化成動力,將亡友放在心底,過得好一點。「所謂過得好啲,唔係話要買好多好奢華嘅嘢,而係點樣對自己好啲呢?點樣對身邊嘅人關心、了解,可以做得更多。」Ellen事件,令唔少人反省,多關心身邊患有情緒病的人。「我身邊其實都有好多有情緒問題嘅朋友,呢個圈子其實係有好多,你唔會想像到係有咁多人都有咁多問題,而呢個我覺得係我哋呢個地方,慢慢咁多年嚟積落好多嘢,生活上、社會上,再加上工作,好多習慣性嘅嘢令到我哋無去照顧自己,而呢樣嘢係我哋真係要去面對,你再繼續咁樣逼自己埋牆角,而唔去正視呢個問題,只會愈嚟愈多人有咁嘅狀態。」

12月舉行演唱會《我們正在On The Pulse Of》,正就是阿詩想希望大家思考的人生課題。「其實我哋今次演唱會嘅命題,英文就係On the Pulse of,中文就係我們正在,其實都係關乎一啲咁嘅嘢,就係我哋忘記咗感受自己嘅脈搏,而個脈搏係好緊要,因為你好忙,有好多嘢發生緊,擔心緊好多嘢,你後悔緊好多嘢嘅時候,其實我哋成日會忘記咗呢一刻先至係最重要,呢一刻感受番自己嘅呼吸,感受番自己嘅心跳,跟住去了解番自己,我覺得呢個我哋講咗好多年,但只不過係一句口號,活在當下,其實係好難,但係要嘗試去做囉。」講一句活在當下好容易,真正做到嘅人又有幾多個呢?對阿詩嚟講,識得真正咁去呼吸一下,已經係好好嘅改變。「可能好簡單,每一日臨瞓前,只不過係呼吸,其實我哋都唔做,其實大家都唔記得呼吸,我都會咁樣,喺一個好忙嘅時候,所有嘢好繃緊嘅時候,但係其實好多情緒、好多病、好多各樣負面嘢就係咁樣嚟,有冇辦法去變呢?我覺得唔係一個人可以做到,真係要好多人同時嘗試去作出一啲改變,嗰樣嘢先會真正改變。」

攝錄:蕭敬漁

採訪:肥A、阿芝

鍾意就快D Share啦!