近年主攻內地市場的馬德鐘最近回港宣傳新劇，樣貌比以前年輕得多，卻惹來整容傳聞！他對此一笑置之，指因茹素近九個月而瘦了20磅，難怪弗到爆！
曾在警隊做過「G4」的馬德鐘，可以說是「制服誘惑」最強演員之一，無論演警察、消防員、飛機師到近期出街的無綫劇集《跳躍生命線》中扮演救護員，觀眾也十分受落，他笑說：「可能我真係做過紀律部隊，嗰種自然流露嘅味道，同其他演員係唔同。」拍攝時正值夏天，演員穿着制服熱上加熱，他笑言在無綫長大已習慣：「反而好開心全廣東話拍劇，呢個都係情意結，呢套係好重香港味道嘅劇，喺內地唔會拍到。」
馬德鐘最近回港宣傳，身形明顯比以前更弗，樣子亦更年輕，惹來網民懷疑整容，他笑說：「唔會嬲！通常畀人講完整容都會好Hit，自己知唔係咪得！因為瘦咗冇晒水腫，隻眼睇落都大咗。」原來過去九個月減去20磅，多得屋企的「營養師」，他說：「依家靠植物性化學治療，即係食多啲植物、茹素，選擇食健康、有營養嘅食物，盡量少食肉類。事緣係太太開始先，覺得好健康，同埋拍咗《跳》劇對人生有啲感悟，身邊有朋友患癌、過身，覺得人生好無常，健康好重要，大概食咗素九個月，感覺成個人好輕鬆、好精神，身體好好。」
營養充足健康咗
馬德鐘現時基本上在家一日三餐都茹素，在內地拍劇時亦會親自下廚，但朋友聚會或應酬時也不會完全戒肉，他說：「雖然唔食肉，但其實每餐食得好飽，唔係淨係食菜，會食菇類、豆類、水果，白米就少食，會改為食意粉、通粉、藜麥，我哋唔係為咗減肥而淨係食菜，只要有足夠營養，食素就唔會唔夠體能，開始咗之後都冇乜病痛，感覺好好。」
服裝：Polo Ralph Lauren
髮型：Chris Cheung＠IL COLPO Platinum
----------------------------
東網巨星開咗ig喇，大家快啲follow
https://bit.ly/2JjSVcr
|
鍾意就快D Share啦！
|
|
|
