2018年11月2日 星期五

蒙住眼任阿嬌整蠱 賴弘國對未婚妻非常信任 __,賴弘國,鍾欣潼,阿嬌,

蒙住眼任阿嬌整蠱賴弘國對未婚妻非常信任鍾欣潼(阿嬌)同未婚夫賴弘國合體拍攝內地綜藝節目《爸媽學前班》噚日(1日)播出第四集,今集佢地透過蒙眼遊戲同埋英 ...


  • 蒙住眼任阿嬌整蠱 賴弘國對未婚妻非常信任


  • 鍾欣潼(阿嬌)同未婚夫賴弘國合體拍攝內地綜藝節目《爸媽學前班》噚日(1日)播出第四集,今集佢地透過蒙眼遊戲同埋英國熱門運動Plogging,去建立大家嘅信任程度、學習點樣做一對唔會過份保護小朋友嘅父母。

    遊戲測試夫婦互相嘅信任同依賴程度,每對夫婦都要輪流蒙住眼,依照另一半嘅指示通過障礙物。喺賴弘國嘅指示下,阿嬌順利通過所有障礙物,合拍程度滿分。輪到賴弘國蒙眼時,阿嬌不時叫賴弘國「小心啲」,面對「巨型」障礙物餐枱,阿嬌就玩大整蠱,叫賴弘國坐喺地下擺出瑜珈動作,仲話:「前面有一個桌子,你可以爬過去嗎?」搞到全場笑爆。完成任務後佢哋不忘互相稱讚對方做得好,呢個舉動令另外三對藝人人妻勁葡萄。遊戲結束後,賴弘國話:「玩這個遊戲不易的,但我感受到她默默在做一些努力。對她有信任,反正最後會讓我通過這些障礙物。」阿嬌亦表示好信任賴弘國,「雖然遊戲過程中會感覺一些不舒服,但我是很放心的。」之後,佢哋就試玩英國熱門活動Plogginng「慢跑執垃圾運動」,佢哋用心學習垃圾分類回收,同回收嘅垃圾砌成一個心形,喺互動中,佢哋兩個慢慢打開自己嘅心。

    結束一日嘅課程後,阿嬌同賴弘國都覺得對小朋友嘅成長比任何物質條件都更重要,阿嬌亦表示贊同,「小朋友成長很快,就不想錯過他的每一分每一秒。」然後賴弘國繼續話:「那這個其實也是很難,有時候工作跟家庭,但是以前我會 」仲未講完,阿嬌就搞笑咁話「沒關係,我們還沒生,說得好像已經錯過了的感覺,哈哈。」

    立即下載Apps,隨時隨地睇盡時政專題、深度偵查、娛樂熱話!

    按此連結:http://bit.ly/next28app


    鍾意就快D Share啦!
    Related Posts Plugin for WordPress, Blogger...