太陽娛樂揸弗人周焯華(洗米華)同Mandy Lieu爆婚外情後，仲生咗兩女一子，感情關係錯亂複雜，而正印陳慧玲(洗米嫂)幾乎同佢離婚，不過洗米嫂就大以大局為重，兩公婆感情最近緩和咗唔少，周家上下不時都會去吓旅行，好似8月就成家人去咗俄羅斯，同大仔周柏豪慶祝生日。
周家上下又出動去家庭旅行了，《蘋果》讀者鄭小姐就透過「爆相爆片」，日前(10月26日)喺東京成田機場見到佢哋，現場有洗米華兩公婆、二人所生嘅大女周梓潼同細女周善潼外，仲有周爸爸，還有一名女士等同一行7人。洗米華就一身運動打扮戴咗黑超，而洗米嫂就一身黑裝短褲打扮，鄭小姐表示：「當時大概晏晝兩點半喺入境大堂見到佢哋，見到洗米嫂就帶住細女過關，當時未見洗米華，去到拎行李位見到佢，佢哋一行人喺澳門搭飛機嚟東京。」眾人喺行李處聚埋一齊時，鄭小姐就留意洗米華兩公婆有交流傾偈，仲話：「佢哋細女全程活潑，揹住背囊跳跳紮周圍走，大聲講嘢，好興奮。」
洗米華近幾年都係左右逢源，不時要做空中飛人去倫敦探Mandy Lieu幾母子，又要陪屋企人去旅行，真係做齊人有兩頭家要有財力同體力先可以，仲有身邊兩個女人又接受嗰隻先維持到。
精選娛聞，喺晒《娛果》
http://fb.com/appledailyent
| 洗米華帶埋正印陳慧玲、兩個囡囡同阿爸去咗東京家庭旅行。 | | |
|
鍾意就快D Share啦！
|
|
|
