熱爆娛樂: 【爆相爆片】黎姿閒遊銅鑼灣老公七人車霸氣切雙白開路 _

2018年11月2日星期五

【爆相爆片】黎姿閒遊銅鑼灣老公七人車霸氣切雙白開路 __,爆相爆片,黎姿,

現年46歲、有「愛美神」美譽嘅GiGi黎姿（現名黎珈而）08年喺娛樂圈急流湧退，下嫁富商馬廷強婚後育有3名囡囡，8歲孖女家蔚（Patricia）、家鎂（Gianna）同5歲細女Pegella。

除咗相父教子，GiGi仲幫細佬打理醫學美容院生意，各自向住目標奮鬥嘅兩姊弟，早前喺美容院合照宣佈好消息，一直不良於行嘅黎嬰終於可以企番起身，仲蹺任家姐影相。黎嬰早幾日就湊熱鬧，喺朋友、外傭陪同下去咗美酒佳餚巡禮，但就未見黎姿。（新聞連結： http://bit.ly/2RyGE4r ）

GiGi百務纏身，早前有本報讀者張先生透過《爆相爆片》，見到GiGi約咗朋友喺銅鑼灣飯聚，同一時間約埋老公一齊，見老友又可以陪老公，一舉兩得。張先生話黎姿老公離開時，仲好霸氣咁橫跨禮頓道來回線。

當日下晝1時許GiGi同2女1男去到銅鑼灣皇冠假日酒店午飯，大約5分鐘之後老公馬廷強獨自到餐廳匯合。呢一餐飯食得好悠閒，一直食到3點半GiGi先同3名友入離開。佢哋徒步行去禮頓中心方向，沿途GiGi同兩位女性友人依然傾得好開懷，雖然係3名小朋友母親，但係GiGi不減少女氣色，難怪可以成為公司嘅生招牌。

老公馬廷強喺GiGi離開5分鐘之後先走，佢上咗泊係門口嘅七人車。原本由酒店駛走，一般駕駛方法都係左轉入禮頓道，再左轉入黃泥涌道離開較安全。不過馬廷強嘅司機選擇由酒店右轉入禮頓道，霸氣橫越來回行車線，切過雙白線，再閘停一輛電車，往天后方向駛出，果然係快靚正「捷徑」一條。

精選娛聞，喺晒《娛果》

http://fb.com/appledailyent

黎姿下嫁富商馬廷強，婚後育有3名女兒。(資料圖片/ 讀者提供照片)	馬廷強稍後到酒店匯合老婆午膳。（讀者提供照片）	 GiGi雖然已為人母，但舉手投足，都散發少女味。（讀者提供照片）
 一身行政人員打扮嘅GiGi，飯後同友人行過去禮頓方向。（讀者提供照片）	 同朋友傾足兩粒都未夠，一路行仲要一路傾。（讀者提供照片）	 馬廷強七人車橫切雙白駛離酒店。（讀者提供照片）
 仲要橫越電車軌。（讀者提供照片）	 七人車橫距禮頓道，要閘停來回線汽車。（讀者提供照片）	 一般安全做法是左轉駛離酒店。（網上圖片）
 黎姿下嫁富商馬廷強，婚後育有3名女兒。(資料圖片)