掃呢頁CODE去手機

2018年11月14日 星期三

【爆相爆片】《屍殺片場》熱潮未過 方中信一家三口齊捧場 __,方中信,爆相爆片,

方中信一家三口去睇《屍殺片場》(讀者提供圖片)
300萬日圓(約21萬港幣)超低成本製作,但喺日本勁好收嘅《屍殺片場》有幾吸引?咪就係連方中信同老婆莫可欣都要帶埋個女符迦晴去睇囉!但話時話電影列為I ...


300萬日圓(約21萬港幣)超低成本製作,但喺日本勁好收嘅《屍殺片場》有幾吸引?咪就係連方中信同老婆莫可欣都要帶埋個女符迦晴去睇囉!



但話時話電影列為IIB級,根據香港法例,係屬於「青少年及兒童不宜,任何年齡人士皆可觀看(建議15歲以上人士觀看)」,方中信囡囡得10歲,咁細個就睇充滿血腥味嘅喪屍片,父母真係好大膽喎!



讀者王先生,日前透過《蘋果》「爆相爆片」報料,話見到方中信同莫可欣,囡囡一家三口一齊去咗將軍澳區一間戲院睇《屍殺片場》,王先生話:「初時都冇為意,突然見到個載住帽嘅男人,幾好身形又幾有型,喺我面前行過,初時唔識佢太太莫可欣,只係見到個女人拖住個小朋友撳緊機買飛,因為見到方中信走埋個女人到,所以望多兩眼,初時都諗唔起佢結咗婚。」



王先生形容方中信好smart但有啲cool,莫可欣個款就好似師奶,場內有幾個人認得方中信,都望一望佢,而個女就好黐媽咪:「佢全程帶住個女,又負責買飛,而方中信就企喺附近無聊周圍望,一時行埋太太身邊睇下搞掂未,講咗兩句又行開。買好飛之後,一家三口就匆匆入場,連爆谷汽水都冇買。」



精選娛聞,喺晒《娛果》

http://fb.com/appledailyent



方中信一家三口去睇《屍殺片場》(讀者提供圖片) 莫可欣同囡囡負責拎飛(讀者提供圖片) 莫可欣同囡囡負責拎飛(讀者提供圖片)
方中信全程都好低調(讀者提供圖片)

方中信全程都好低調(讀者提供圖片)
攞完飛直接入場(讀者提供圖片)

攞完飛直接入場(讀者提供圖片)
方中信同莫可欣入到場都耷低頭行(讀者提供圖片)

方中信同莫可欣入到場都耷低頭行(讀者提供圖片)
方中信曾喺微博晒一家三口旅行相(互聯網圖片)

方中信曾喺微博晒一家三口旅行相(互聯網圖片)

鍾意就快D Share啦!