劉穎鏇話胡㻗唔係男友！
港姐劉穎鏇被東網獨家拍得與大鼻港男胡㻗於西貢車震！劉穎鏇現身電視城接受訪問，問到是否與胡㻗拍拖？她說：「大家係好好嘅朋友，相識咗，我哋係同一年嘅港姐、港男，之後仲一齊上訓練班，《兄弟》佢都有份演出。（唔係拍拖？）大家係好朋友，可能都係鬼鬼，所以好傾得埋。（咁夜去銀線灣傾偈？）我哋真係冇話特別要去邊度，亦都唔覺得嗰度有咩唔好，或者會產生咩誤會，自己唔熟悉香港。（諗住去胡㻗屋企？）梗係唔係。（傾啲乜？）我都有講依家讀番書，壓力真係大咗好多，第一套劇仲要係台慶劇，又期待又緊張，都係傾呢啲嘢。（胡㻗幫唔幫到你？）我哋不嬲都傾得埋。（咁夜去咁僻唔驚人哋誤會？）我唔知嗰個地方會令到人誤會，唔係特登去，亦都冇咁嘅必要，大家係好朋友冇必要匿埋。可能我住將軍澳，佢又住附近，嗰晚我食我完《兄弟》飯，大家又差唔多走，所以佢就車埋我，之後大家就傾偈。」
講點解縮低個頭
講到被指「車震」？她說：「其實呢兩個字點解？」隨後記者向她解釋，劉穎鏇則哭着說：「點解？我哋係喺架車上面，大家傾偈，但係點解會有呢兩個字出現，我喺美國嚟到香港工作，作為一個新人好努力工作，唔想大家對我誤會。」她又講到為何會在車上縮低個頭：「當時同佢喺車上傾偈，有人出嚟用好閃嘅燈係咁影，所以好驚！唔知點解縮低個頭，會令大家有咩誤會！」
唔知胡㻗係咪追求緊
講到劉穎鏇落車後唇膏離其消失？她說：「我都冇塗唇膏，平日好少搽唇膏，我係一個最懶嘅女仔，拍嘢都係搽潤唇膏，當時真係嚇到個心都跳咗出嚟，所以咪面青口唇白。」劉穎鏇指也有與胡㻗聯絡過，但沒有詳細傾， 問到將來可會避忌一點？她說：「都冇嘢要避忌，佢係一個好男仔，好照顧人，但唔係拍拖，大家係好朋友，亦唔知佢係咪想追我喎。」
來源 source: http://hk.on.cc
|
鍾意就快D Share啦！
|
|
|
