想到醫院，一般都會覺得冷冰冰，不過瑪麗醫院藥房一名前線員工，卻以DJ聲開咪叫病人取藥，靚聲程度，被形容為「似綠洲咁充滿氧氣！」他對待病人的誠懇程度，更加嚇你一跳！到底靚聲王是何方神聖？又是甚麼驅使他為冰冷的藥房帶來暖意？
暖男靚聲王，真身是人稱「蘇化」的瑪麗醫院臨床藥劑師蘇曜華，早前有網民在社交群組「西環變幻時」盛讚「藥房有一把DJ口脗嘅男聲叫人攞藥，生色不少」，令他頓成網絡紅人。蘇笑言自己和同事們都看過所有留言，「有人話我係藥房情人『鄭紙誠』嘛，我都幾突然，因為唔覺得我把聲係咁好聽！」
不少人都會稱讚他的聲線，他笑着回應：「綽頭嚟，都係想啲公公婆婆聽得舒服，平時開咪會再溫柔啲。」原來靚聲確需要後天的努力，但並非練高低音，「做咗咁多年藥劑師，知道要用咩語氣聲線，病人先聽得最清晰。」
「蘇化」在中產家庭成長，自言不知民間疾苦，在2009年開始進行社區探訪和做義工後，才知道不少人的居住環境惡劣。亦是從那時開始，有較多機會與不同階層的病人接觸，了解他們的生活、想法和一些對藥物的謬誤。例如有病人有3種血壓藥，但只吃其中2種，原來佢擔心再有血壓高時無藥食。「真係要同多啲病人傾，先會知道佢哋背後嘅諗法。」
「嗱，阿婆婆，你記住，啲藥係心臟科畀，唔食你心仔會唔舒服，所以唔好唔食！」他解釋各種藥物的食法時，字字鏗鏘，但又非常溫柔，遇到「撞聾」的婆婆仍不厭其煩地再三解釋。直至婆婆終於明白，回頭說一聲：「唔該晒！」蘇才鬆一口氣。
作為一個藥劑師，「蘇化」眉精眼企，並不只是「派藥機器」，他滿有自信說：「佢哋眼尾一郁，我就知佢拎包藥返去食定唔食。」此時，「蘇化」便會花多點時間解釋，「唔食唔止浪費啲藥，對病情都唔會有好處。」曾經有位患肺癌病人的女兒前來取藥，得知病人是第一次服用化療藥，又知道對方申請資助但仍未獲批，他便介紹家屬申請另一個資助，事後病人兒子特意致電道謝。「我哋呢份工作，好多時都係畀人鬧，點解要等咁耐。難得今次可以威番吓，有人讚喎，所以大家都好開心。」
突然出名，「蘇化」似乎沒有惹來妒忌，反而被同事Amy大讚：「簡直就係為我哋藥劑師爭光，佢好多Fans㗎，好多病人都會專登嚟話佢好細心，好好人。」暫時共事了半年的Adrian亦覺得，「佢把聲好好聽，簡直係我哋瑪麗鄭子誠。」暖男，人緣果然唔差！
|
鍾意就快D Share啦！
|
|
|