網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月21日 星期三

【爆相爆片】幾歲大女童瞓巴士窗台 乘客:睇見都牙煙 __,爆相爆片,

巴士公司成日都提醒乘客行車時要小心安全,但唔係人人會聽呢支笛。好似禮拜一(19日)中午時份,就有個阿媽帶住個幾歲大嘅囡囡坐九巴270A號雙層巴士,當時 ...


巴士公司成日都提醒乘客行車時要小心安全,但唔係人人會聽呢支笛。好似禮拜一(19日)中午時份,就有個阿媽帶住個幾歲大嘅囡囡坐九巴270A號雙層巴士,當時佢哋坐喺上層最前排座位,其間個細路女竟然成個人瞓喺車頭擋風玻璃個窗台位,嗰位阿媽仲一路同個囡囡玩,好似好得意咁,但有其他乘客睇到咁覺得好牙煙。



涉事嗰部270A號九巴當時由上水開往尖東麼地道,目擊市民葉先生喺粉嶺站上車,佢話自己原本坐喺巴士上層後排,但係見到個細路女瞓喺車頭大銀幕個窗台位,於是就坐前去望清楚咩事。原來個阿媽同個細路女,仲有個細路女嘅爺爺同嫲嫲一行4人,坐喺最前排兩排座位,葉先生話佢哋全部都講普通話,相信係內地人嚟。



葉先生拍低咗當時事發片段,可以見到個阿媽坐喺車頭最前排左邊位,而個囡囡大約3、4歲左右,就打橫瞓喺窗台,個細路女不時擰來擰去,但個阿媽不但無叫佢唔好瞓喺度,仲不時同佢玩。葉先生話佢睇到咁覺得好危險,「好似好好玩,但有少少離譜,如果有意外或者架巴士dup一dup,真係唔知點算,個細路女隨時碌喺巴士度,甚至可能撞爆玻璃飛出去!」



整個過程維持咗半個鐘以上,葉先生話架巴士由粉嶺過咗獅子山隧道去到九龍塘窩打老道,佢哋都仍然係咁。不過葉先生當時就無當面出聲斥責對方,佢話「有時啲嘢忠言逆耳」,怕對方未必接受仲起爭執添,惟有拍片希望大家睇到會有所警惕。



九巴發言人回覆查詢時表示,九巴重視安全,指示車長留意車廂內乘客的動態,並呼籲乘客妥善照顧同行小孩。根據《乘客須知》,車長為保障車內乘客及行車安全,有權向乘客發出為公眾安全著想的指示。



你敢爆,我敢獎! 立即WhatsApp《蘋果》24小時爆相爆片熱線致電:63836568





女童瞓巴士窗台,全程與母親玩耍,乘客擔心巴士有意外的話女童可能撞爆玻璃飛出去。(讀者葉先生提供) 女童瞓巴士窗台,全程與母親玩耍,乘客擔心巴士有意外的話女童可能撞爆玻璃飛出去。(讀者葉先生提供)
(讀者葉先生提供)

(讀者葉先生提供)
(讀者葉先生提供)

(讀者葉先生提供)
(讀者葉先生提供)

(讀者葉先生提供)

鍾意就快D Share啦!