掃呢頁CODE去手機

2018年12月6日 星期四

【當女人係乜】黃子恆撩開房玩人魔大戰 35E迪子:撳鐘仔錢都慳 __,迪子,黃子恆,

黃子恆被爆撩迪子去九龍塘玩人魔大戰(網上圖片)
36歲黃子恆偷嗒大陸女fans玩出禍,被指控搞大肚唔認數!衰開有條路嘅黃子恆,再被爆約35E巨胸歌手迪子到屋企「互相服務」,被拒後竟爆粗鬧迪子!《蘋果 ...


36歲黃子恆偷嗒大陸女fans玩出禍,被指控搞大肚唔認數!衰開有條路嘅黃子恆,再被爆約35E巨胸歌手迪子到屋企「互相服務」,被拒後竟爆粗鬧迪子!



《蘋果》收到報料,色字頭上一把刀嘅黃子恆,原來試過約迪子去開房,仲猛落嘴頭話細酒店價錢好平,但擔心要用身份證登記入住,提議改去九龍塘!兩人嘅對話截圖流出,《蘋果》發現事發日期係前年10月31日,前年6月黃子恆才被爆偷食人妻裕美,搞到形象跌落谷低,估唔到短短4個月後,拍緊《降魔的》嘅黃子恆色心又起,撩迪子去九龍塘玩「人魔大戰」。以下為兩人短訊對話內容:



黃:「明晚有空嗎?我收25倒,第2日開12~」

迪:「明晚你收25喎!」

黃:「係呀,咪啱囉!」、「應下節,搵個地方人魔大戰。」

迪:「你想去邊?」

黃:「有冇提議?」

迪:「冇,腦部運作唔到。」

黃:「其實而家出面啲細酒店都好平,但我驚我咁夜先入去佢要我身份證登記。」

迪:「咁你想點?」

黃:「諗緊」、「咁9龍塘囉!」

迪:「但係我對SP(sex partner)關係冇興趣」

黃:「嗯,明白~咁夜啲再睇下如何」



5粒鐘後,黃子恆再透過短訊聯絡迪子:

黃:「我走得喇」、「45分鐘倒到你樓下~」

迪:「下(吓)」、「你過嚟?」

黃:「接你啫」

迪:「我唔會同你去開房㗎喎!」



黃子恆似乎對擁35E身材嘅迪子好嗒糖,除咗約對方去九龍塘玩「人魔大戰」之外,有次問迪子識唔識在網上續領特區護照?黃子恆話自己一直搞唔到,迪子就叫佢去灣仔整,只需2粒鐘搞掂,但黃又話自己冇時間,結果迪子幫佢喺網上搞,黃仲將自己嘅信用卡資料給迪子付$370續領費用。



除咗對話截圖之外,仲有條疑似黃子恆嘅聲帶流出,聲衰衰撩迪子:「咁full呀,下個禮拜二?下個禮拜幾多號呀?下個禮拜二我都唔知幾多號,冇嘅,睇吓有乜嘢搞之嘛,凍凍哋。」



《蘋果》致電向迪子求證,佢在電話承認曾被黃子恆撩開房:「梗係有啲嬲,咁樣問好唔尊重,即係佢當女人係乜呢?請問!我覺得你有需要咪去撳鐘仔囉,畀錢之嘛,呢啲錢都要慳,哈哈!可能屋企人冇教佢點樣尊重人囉,惟有話我可能體諒佢呢樣嘢囉。」



迪子指未入行前已認識黃子恆:「佢跟我學過琴,佢好豪咁,第一堂已經畀晒10堂學費,但只係上咗兩堂啫,其實8堂到o依家好多年都未上,我就當係冇咗嘞。我一直都當佢係friend,之後佢突然之間咁樣。」



精選娛聞,喺晒《娛果》

http://fb.com/appledailyent



迪子擁35E巨胸(網上圖片) 迪子擁35E巨胸(網上圖片)
黃子恆約迪子去九龍塘玩人魔大戰

黃子恆約迪子去九龍塘玩人魔大戰
 迪子話對SP冇興趣

迪子話對SP冇興趣
 借頭借路問迪子點樣喺網上續領護照

借頭借路問迪子點樣喺網上續領護照
 黃子恆連信用卡資料都畀埋迪子

黃子恆連信用卡資料都畀埋迪子

鍾意就快D Share啦!