冇事就好喇！
藝人黃芷晴出席朱古力活動，身穿紅色中空lace裙的她頗為性感，同場的龐卓欣亦身穿低胸衫，她們即場設計朱古力聖誕卡。講到活動上她自爆現時沒有男友，她坦言兩人於一個月前分手：「其實呢兩年半裏面我哋嗌交時間比較多，大家都攰，大家執着於唔同嘢，所以不如分開，依家自己心情OK，反而之前成日接啲婚紗騷，不過我朋友裏面都係得一個結咗婚，所以我唔急，搵啲朋友或者屋企人過聖誕。（準備識新男朋友未？）咁快？未算準備好。」
講到媽咪現時情況？她說：「OK，係定期覆診，其實上次訪問冇交代太多，但想藉今次同大家交代番，其實佢真係唔係復發，其實媽咪係今年做咗個療程，係醫生建議嘅，就係可以醫血癌最好嘅方法，就係接受骨髓移植，依家就已經做完㗎啦，其實幾年前醫生都建議過做，但今年就搵到適合嘅骨髓，不過就唔知係邊一個，好多謝佢。」
她表示媽咪八月底做完手術，現時休息了三個月，可以在家中休息，現時全家都放下心頭大石，問到可是最好的聖誕禮物嗎？她說：「都係，其實爸爸生日就係佢出院嗰日，佢九月頭生日，其實都要多謝爸爸，因為我都多嘢做，所以要多謝爸爸照顧媽咪。」
來源 source: http://hk.on.cc
|
鍾意就快D Share啦！
|
|
|
