《救妻同學會》啲故事線跳嚟跳去，睇到好混亂又難理解都算，但劇情可唔可合理少少，啲細節又可唔可以嚴謹少少呀？
第二集，劇情繼續穿梭過去同將來，跳得密過首集，亦難分辨過首集，因為主要演員姚瑩瑩，無論喺過去抑或將來兩條故事線之中，睇落去都無咩分別，即係觀眾難以察覺劇情已經由過去跳咗去將來，又由將來轉返做過去呀！睇到一霧水，後來終於有啲眉目識分過去同將來：畫面粉色系，姚瑩瑩有染頭髮嘅話，係過去；畫面偏綠，姚瑩瑩黑色頭髮，就係將來。講真，搞到觀眾睇套劇都咁辛苦，真係好極有限。
另外，朱智賢被綁架時，眼利觀眾就會發現，佢對手只係套上膠索分唔開，但可以舉高擺低，換言之有能力自己解開封口膠紙以及蒙眼布啦，但佢無咁做喎！嚴謹少少得唔得？再加上朱智賢逃走時上咗車有埋車匙，咁都唔踩油？仲要落車逃走？合理咩？
或者有人會話：「聽故唔好駁故，而且應該學識包容、欣賞。」咁單獨睇第二集姚瑩瑩偉大嘅母愛，再加上成熟演技配合，又真係有感人位，值得一讚嘅。
來源 source: http://nextplus.nextmedia.com
|
鍾意就快D Share啦！
|
|
|
