今日係普天同慶聖誕節。
沐浴喺愛河中嘅沈卓盈（沈大師）當然係有節目，佢日前就畀讀者梁先生透過《蘋果》「爆相爆片」，分享咗沈大師孖經營內衣褲出口生意男友Calvin拍拖出巡，兩人喺葵芳一間精品店內選購聖誕禮物。
當日下午，着住小波點連身裙嘅沈大師素顏出動，佢戴上口罩，可能人多太翳焗，相片睇到沈大師拉低口罩唞唞氣，梁先生噚日接受《蘋果》電話訪問時話：「我先見到沈大師，以為佢一個人行，見佢喺度睇聖誕卡，但睇睇吓見到有個男人行近，應該係佢男友，佢哋挨到好埋，隔咗一陣，又各自行開睇嘢，佢哋都逗留咗喺店內好耐。」
沈大師同圈外男友Calvin感情穩定，節日當前，孖咇去買聖誕禮物。沈大師噚晚回覆傳媒時話：「我哋嗰日同媽咪飲完茶，就去咗買聖誕禮物，25號會喺屋企開party。」咁喺邊個人嘅屋企開party？沈大師答：「一個好溫暖嘅屋企。」係男友Calvin屋企定自己香閨？沈大師再避答：「一個開心嘅屋企囉。」始終冇正面回答。沈大師續話：「到時大家姐、姨甥女都會嚟，人大個咗，好想多啲時間陪屋企人。」
沈大師濕平嗰日，原來滿載而歸，佢話：「買咗十幾份禮物，拎到手都軟，我屋企人全部有份。」問到沈大師送乜嘢畀男友？佢話：「冇喎，我哋協商咗，唔使送畀大家，如果佢預備咗畀我，我冇所謂。」而乖巧嘅沈大師連男友Calvin父母都準備好禮物，認真細心。
童話世界裏面，負責送禮物係聖誕老人，沈大師就笑言自己係「聖誕老婆」，唔通恨做人妻？佢即改口話：「我做聖誕老婆婆呀！」佢咁靚女，點都冇資格做老婆婆喇。沈大師成功融入男友家中，到底係咪有計劃明年出嫁？沈大師甜笑：「希望喇，隨緣。」
精選娛聞，喺晒《娛果》
http://fb.com/appledailyent
【編輯推介】
【台獨樂團】入境處終回覆指要有「香港境內不存在技能」 阿詩：真係好得意
http://bit.ly/2LwI7q2
【台獨樂團】閃靈自嘲冇特異功能 團長Doris：千百個理由怎麼選這個？
http://bit.ly/2GDxbrV
【劉愷威楊冪離婚 】劉丹首回應稱繼續湊孫女小糯米：尊重佢哋決定
http://bit.ly/2QQvfRw
【200人到賀】桐谷美玲披喱士婚紗嫁三浦翔平 酒店辦婚宴群星到賀
http://bit.ly/2PZWeo9
【韓流】唔受仇日風波影響 TWICE被日迷選為最喜愛藝人
http://bit.ly/2EJ7VxC
| 沈大師同男友Calvin拍拖買聖誕禮物。(讀者提供圖片/Ig圖片) | | |
| | |
|
鍾意就快D Share啦！
|
|
|