行行吓都會打起交上嚟，唔通又係中港矛盾？上周五下午一點幾，有個推住BB車嘅鄉音大媽，喺行人天橋懷疑俾個本地阿伯撞到，其間同阿伯發生衝突。
余先生當時行經上水廣場嘅行人天橋，據佢所知，個鄉音大媽推住BB車，其間懷疑阿伯撞到BB車個細路，雙方嘈起上嚟，之後仲郁手。從余先生提供片段可見，鄉音大媽扯住阿伯，不斷大嗌：「你個死男人、你個死老嘢吖！」仲不斷出手打向對方。
BB當時由鄉音大媽身旁嘅女性朋友抱住。附近街坊見狀，上前勸交拉開雙方。鄉音大媽嘅女友人同街坊講，係阿伯出手打人先，但余先生就話見到係鄉音大媽先出手，阿伯仲好委屈咁解釋係意外撞到對方：「我唔係有心㗎嘛！」現場有街坊話報警，但警方就話冇接獲呢單案件有人報案。
來源 source: http://hk.entertainment.appledaily.com
|
鍾意就快D Share啦！
|
|
|