北角校巴失事，沿斜路衝入熙和街撞倒多名途人，其中一人是現場檔口的檔主，他被壓在車底，要自己爬出。
受傷的梁伯鼻子流血、右腳受傷，尚幸並無生命危險。他說：「架車衝落嚟，好快，唔見有司機。我捲咗入車底，自己爬出嚟呀！」梁伯在現場檔口賣家品雜物，他指還有其他傷者被壓在車底。
另一名男傷者指，當時在行人路，突然被校巴撞倒。他前額、鼻子受傷，在現場等候敷治。
現場鞋店男職員陳先生指，校巴上沒有載客。「係咁衝落嚟，好似失控，無響號。好多途人，有人賣嘢，揀嘢的人被佢撞低。好多人傷，我都唔敢去睇。」陳當時剛好行過璇宮大廈，「只差5、6步(就撞到我。」
你敢爆，我敢獎！ 立即WhatsApp《蘋果》24小時爆相爆片熱線或致電：63836568
|
鍾意就快D Share啦！
|
|
|