藝人趙哲妤的女兒雙耳全聾，接受人工耳蝸手術後聽力得以改善，但又發覺其語言能力較同齡小孩差，面對接二連三的困境，這位單親媽媽並未有氣餒，為入讀主流幼稚園而花6位數幫囡囡打孖報讀語言班，用最強母愛填補囡囡的先天不足。
31歲前中國小姐香港區冠軍趙哲妤（Uny）2016年未婚懷孕，誕下囡囡趙真羽（小魚），女兒的生父對她們不聞不問，更不幸的是小魚於半歲時發現聽力出現問題，患上「感音神經性弱聽」，即是雙耳全聾，當時囡囡對任何能嚇人一跳的巨響全沒反應，甚至震耳欲聾的飛機聲都聽不到。Uny用盡中、西醫等各種治療方法，最後選擇植入人工耳蝸，幸好小魚接受手術後聽力慢慢回復。
日前見Uny帶同傭人現身紅磡一間Playgroup，接快兩歲大的小魚放學，女兒一見媽咪就展露天使般的笑容，邊跳邊撲向媽媽懷抱。Uny拖住女兒往食晏，雖有工人姐姐在旁，但她寧願親自逐啖逐啖餵飽慢食的囡囡，自己才三扒兩撥食快餐，期間她不停同囡囡說話，而小魚亦有問有答。之後三人再頻頻撲撲驅車趕往九龍塘另一Playgroup，吩咐工人姐姐陪愛女上堂，她則在窗外偷望，場面搞笑又溫馨。如此一間接一間Playgroup，使費不少。
孤注一擲植入耳蝸
Uny事後受訪時，稱當日是帶女兒上語言訓練班，為返主流幼稚園作好準備。雖然植入人工耳蝸手術成功，但囡囡受耳患影響，言語發展較同齡小朋友慢一年，她說：「佢到依家仲未講到一句完整嘅說話。」又指當初決定幫囡囡做手術是「人生最大的賭博」，皆因手術有一大缺點，就是即使將來有更高效的新醫療發明，亦不可能再接受手術，幸好今次被她博贏，她說：「佢聽到嘢好開心，好鍾意高頻聲音。」
獲國際幼兒園取錄
Uny現時最感恩是有主流幼兒園取錄了囡囡，明年一月便入學：「我報咗三、四間幼兒園，好好彩第一間就收咗，係一間國際學校，之前好驚未必搵到一間好學校畀小魚，小魚性格好動、樂觀又熱情，成日笑，面試時見到校長老師一啲都唔怕醜，仲想抱住校長，可能因為咁就收咗佢。」
更多新聞，請瀏覽東方日報網頁：
http://orientaldaily.on.cc/
|
鍾意就快D Share啦！
|
|
|