應屆國際中華小姐候選佳麗今晨到主題公園拍攝花絮短片，香港代表（5）陳曉華（Hera）及來自馬來西亞的（6）彭嘉伊一同受訪，狀態不俗的Hera表示昨晚工作至11點才返酒店，半夜兩點就起床準備，但見大家都很精神，所以她坦言自己仍要加油。
至於彭嘉伊則表示已適應這種生活，她說：「之前都拍過電視廣告同網劇，試過拍到好夜，但工作人員仲辛苦。（你有幕前經驗，會否覺得優勝？）唔覺得，我都係想識朋友。（唔想攞冠軍咩？）係我就係我，唔係我就冇得強求。」她又指覺得最大的對手是Hera，但隨即大讚對方的笑容很美，更似足天使！
Hera聞言表示開心，但自覺壓力很大，因此經常發惡夢：「我嘅才藝表演係關於空中嘅嘢，試過發惡夢跌咗落嚟或者帶漏嘢，可能我唔夠瞓又好耐冇練。（點樣減壓？ ）搵其他佳麗傾偈同食嘢，大家有交換零食，屋企人都有畀啲能量棒我。」
來源 source: http://hk.on.cc
|
鍾意就快D Share啦！
|
|
|
