藝人沈卓盈離開無綫向外發展後工作不斷，日前她被邀到澳門出席太陽娛樂12周年的周年晚宴活動，更與古天樂、任賢齊、吳奇隆、楊受成及黃柏高等同枱，相當榮幸。她坦言當晚最開心是可以跟偶像吳奇隆及任賢齊合照，儼如小粉絲般。她笑謂：「以前睇《夏日的麼麼茶》嗰陣已好鍾意小齊，之後自己又有追看《步步驚心》，真係睇到喊傻咗。」
問現時離開電視台發展，當日有否向楊生及Paco自薦一下，可向電影圈發展？她謂：「我都有同佢哋傾偈，佢哋都知我已經離開TVB，當然希望將來有機會合作，嘗試拍電影。」她又透露現時有不少工作傾緊，希望一切順利。
此外，說到上星期她與龔嘉欣、譚凱琪齊齊探姊妹陳凱琳及她的B仔，沈卓盈坦言是第一個抱BB的：「係呀！見到個BB我覺得好得意，好靚仔，自己第一個爭住嚟抱！」
來源 source: http://hk.on.cc
|
鍾意就快D Share啦！
|
|
|
