未知大家還記不記得，早前「唯唯」梁競徽對外表示曾同張繼聰打招呼，卻不獲對方回應，而傷心多年，所以日前TVB熱門節目《後生仔傾吓偈》就以「被當透明」為題，期間馮盈盈和林秀怡即時在節目中大呻被當透明人的經過。
撰文：Louis、東方新地｜圖片來源：節目截圖｜編輯：異種火星人 （原文東方新地）
林秀怡打招呼被麥明詩當透明 馮盈盈代為道歉
馮盈盈在分享自己「俾人當透明」的經歷，憶述錄影當日早上同王浩信喺街頭拍攝時，一大堆內地遊客爭住同王浩信影合照，而自己就慘被當透明人，當下「無人問津」馮盈盈唯有「扮忙」問導演「埋得位未，我可以試位了」，不過佢就慶幸沒有被人叫去幫手揸機。
之後談到新人可能很多時候被當臨時演員，6號就表示「港姐就比較好，不會被工作人員人當透明」，但馮盈盈就即刻面有難色表示「都唔係架」，她就曾被幕後人員問「你點入行？訓練班定係？」，當馮盈盈表示自己係「香港小姐」後，對方更追問「咁你係幾第名？」，馮盈盈唯有尷尬道出自己係冠軍後，對方才醒水，道歉並指自己最近太忙，無留意新聞。
陸浩即抽水
而林秀怡亦都分享自己「俾人當透明」的經歷，她表示平時在化妝間，即使素不相識都會向同事打招呼「say hi」，「但就有一次，有個同事見過幾次，拍同一套劇，但無對手戲過，喺化妝間見到佢就即刻講 hello，佢望一望我，然後就繼續做自己嘢，我傷心咗好耐，諗自己係未做錯咗事呢，係唔係得罪咗佢呢？」6號就插嘴話「你係咪同張繼聰打招呼，佢唔理你下話？」，順便抽下「唯唯」梁競徽水！
林秀怡話語間透露出對方係女藝人、同劇但無對手戲，但就可能是對方「神經大條」，很專注工作，難以分心。不過6號就估係麥明詩，並一口咬定，皆因二人之一齊拍過《是咁的，法官閣下》，而麥明詩不止「神經大條」還「大幾條」，事關「因為其實有時佢返到嚟都唔同我哋打招呼架」，FYY再補多句「我哋代麥明詩同你講聲唔好意思」。不過其實大家都係講笑，因為麥明詩戲中同秀怡都有不少對手戲，所以自然不會是她了。
|
鍾意就快D Share啦！
|
|
|