講起吳剛師傅，通常會諗起佢喺《歡樂滿東華》食炭、伸手落油鑊、心口碎大石等等亡命表演。
不過咁都未算犀利，佢竟然練鐵布衫呢種功夫，訓練自己用下體舉重。
「即係將身體重要部位練到鋼鐵咁堅硬，不過唔係百分百成功，見到低胸迷你裙嘅性感女仔就會影響到！」吳剛解釋。
佢自爆練習嗰陣要戒色，仲有為重要部位買重保險。佢自認曾經試過受傷，非常痛苦，之後要紮馬浸藥酒。
佢亦試過自薦表演徒手捉鱷魚，不過無綫拒絕咗，原因係買唔到保險。
吳剛離開大台十幾年，曾經進軍飲食界，做過酒樓集團董事。早幾年更在旗下酒樓兼任婚宴司儀，只需多付三千元，便可找他登場。
雖然現已經離開飲食界，主要喺大陸搵食，但佢話：「時間配合到的話，《歡樂滿東華》隨時可以搵我搽油、除衫、食炭！」
來源 source: http://nextplus.nextmedia.com
|
鍾意就快D Share啦！
|
|
|