鄭嘉穎、徐冬冬、溫碧霞、Jessica C.與Ana R.等，今晚於中環出席攝影展預覽酒會。剛榮升父親的嘉穎提起寶貝兒子承悅時難掩喜悅，他說：「歷歷在目，第一次入產房，成個過程興奮得嚟又輕鬆，麻醉師係馬來西亞人，一入到去就問我哋想聽乜嘢歌，好輕鬆，真係冇諗過。」他還笑指剪臍帶過程不容易，他說：「比我想像中韌，唔易剪，要用啲力，見到佢出嚟，好難忘，好自然眼濕濕，我同太太都開心BB咁健康。」
嘉穎更爆囝囝是奀皮仔，還視囝囝為「皇上」看待，他說：「我叫佢皇上，佢要乜就即刻要，最高紀錄一日換17條片，濕少少就嗌，我已經清楚同佢溝通嘅方式，佢仲未有淚腺，所以喊嘅時候冇眼淚，我覺得佢啲戲好渣，但呢個係可愛之處。佢乜都要快，洗pat pat、沖涼、飲奶都唔等得，一等就嗌。」
問到嘉穎是否一個淡定爸爸？他說：「唔係，第一次沖涼都要睇幾次先夠膽，但係都係好論盡，換片就簡單，唔想『飲茶』就撳住（重要部位）先。」現時有5人輪流照顧，嘉穎不禁笑囝囝真正是「皇上」，而當兒仔乖乖時大家亦會爭着抱，他一直陪着太太陳凱琳（Grace）坐月，並透露即將出關，工作方面已經排得密麻麻。
陳凱琳（Grace）坐月期間出來工作（新聞連結： https://bit.ly/2GOQIVz ），問到他會否覺得是否很不聽話？嘉穎說：「唔好咁講，尊重佢嘅決定，我嘅睇法都想佢成個月養生，夫婦係要互相尊重，學佢爸爸話，大事我決定，小事由太太決定，不過件事嘅大小就係由Grace決定。」最後提到Grace的上圍豐滿不少，問嘉穎是否很滿意？他說：「點樣都滿意。」
另外，徐冬冬談及日前被拍得與尹子維在街頭爭執，冬冬直認說：「確實是有吵架，我也有不開心，但原因不是第三者，是因為我們有一些觀念不同。」冬冬又透露二人現時處於冷靜期，更直言現時沒有通電話，她又指二人是認識很久的朋友，除了有些觀念不同，她大讚男友人品好又專一，未來會否再有更長遠發展便看緣份了。
《Captain Marvel》完全導讀本
足料78頁 深度解構最強英雄！
https://bit.ly/2VyXIt2
3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb
第二屆最港電影大獎投票網址
https://bit.ly/thekongestfilmawards2018
|
鍾意就快D Share啦！
|
|
|