何猷啟做咗爸爸都咁秘密，相信同家庭壓力有關。超蓮亦講漏口風，踢爆細佬同弟婦已經搬咗出去住。超蓮話二人間中會返大宅，仲話細佬表明想過二人世界。
雖然超蓮自稱同弟婦係好朋友，但不時放屋企人相上ig嘅佢，從未上載過弟婦嘅相。
就算弟婦已經嫁入何家年幾，但舊年三月，佢哋同三太、超雲慶祝生日，合照唔見弟婦。同年5月，佢同孖生細佬猷啟一齊慶生，合照亦冇弟婦份。
連家姐超雲嘅ig，弟婦都係冇影嘅。反而猷啟鍾意喺ig，同老婆放閃。
其實三太嘅布力徑大宅，室內面積大約有八千呎。就算猷啟生多幾個，地方都夠用有餘！
不過早喺17年尾，猷啟已經用6880萬購入西半山一個豪宅，實用面積大約千六呎，有四間房，可以招呼埋老婆啲大陸親戚，估計係佢哋一家三口嘅私竇。
冇得黐住個孫，難怪之前三太被記者恭喜佢娶新抱嗰陣，由本來心情好靚，突然變臉，冇晒笑容，仲扁晒嘴，相信佢真係有口難言，百般滋味在心頭呀！
來源 source: http://nextplus.nextmedia.com
|
鍾意就快D Share啦！
|
|
|
