胡蓓蔚冇得同胡蓓蔚合唱。
藝人胡蓓蔚、黎燕珊和陳庭欣等，晚上現身電視城為節目《流行經典50年》錄影。有指黃心穎因偷食事件被消失，今晚未能現身與胡蓓蔚合唱，胡蓓蔚受訪時說：「其實公司不嬲都想搵好多藝人Crossover，又因歌曲版權問題，一直都未落實今晚出席嘅名單，係上星期先通知我要獨唱兩首歌。」
談到與心穎友情、胡蓓蔚說：「咁梗係認識啦，不過唔想再評論件事。（作為人妻、你對老公單立文好有信心？）咁要講番廿幾年前，當時我連廣東話都未識講，我老公被邀來幫我出唱片，寫咗一首歌叫《滿天飛》畀我，當時我真係唔識欣賞，淨係想快啲錄完佢。直到要上呢個節目，有工作人員醒起呢一隻歌，要求我重新演繹，練歌時我終於意會到老公當時寫嘅意景，佢話當時已經有少少鍾意我，所以作歌嘅時候腦海盤旋住我嘅樣貌！」
談到老公外形不羈，胡蓓蔚說：「所以人不可貌相囉，佢日日喺度《愛‧回家》。（佢點追你？）佢唔發動攻勢，係我主動問佢『我成日搵你練歌，你覺得好煩？』佢即刻話唔會，我哋就慢慢行落去，可以話因為音樂而結緣。」
來源 source: http://hk.on.cc
|
鍾意就快D Share啦！
|
|
|
