網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年5月10日 星期五

【為人母3年感受深】Hidy帶囡囡出海玩SUP 沙灘齊執垃圾籲環保 __,Hidy,

 Hidy現在有女萬事足
余曉彤(Hidy)15年為任職消防員老公Willian誕下囡囡劉穎依(Willa),她由o靚模變成媽模,家中多了囡囡,生活從此不一樣。人妻變人母,過去 ...


余曉彤(Hidy)15年為任職消防員老公Willian誕下囡囡劉穎依(Willa),她由o靚模變成媽模,家中多了囡囡,生活從此不一樣。



人妻變人母,過去3年間,Hidy不諱言仍天天在努力學習,兩夫妻熱愛各類運動,囡囡Willa也遺傳了父母的好動細胞,愛跑愛跳,更愛笑,是個Happy Girl。有潛水教練牌的Hidy,最近在赤柱經營了一個潛水中心,志在與志同道合者分享潛水樂趣,她日前就帶了3歲多的Willa到赤柱玩近年大熱的站立式划槳(Stand Up Paddle,簡稱SUP),母女同心出海。



母女過時過節都愛遊山玩水慶祝,Hidy日前就帶Willa嬉水降溫,Willa的中文名諧音叫「劉泳衣」,她就着了波點三點式,跟粉紅色一件頭泳衣的Hidy好合襯。下水前,兩母女先接受《蘋果》訪問,Hidy說:「Willa由細到大都好鍾意游水,佢4個月大時,我哋就帶佢去菲律賓玩水,佢而家有學游水,佢一啲都唔驚水,仲會把頭潛入水底執嘢。呢塊單板,係我有一年送畀自己嘅生日禮物,我喺印尼同馬爾代夫時見過好多人利用佢周圍玩,我都試過用呢塊板出海,扒去其他島。」母女一齊玩SUP,原來仲有一個環保小任務,Hidy說:「如果Willa見到水面有垃圾,佢會發揮小勇士精神執咗佢帶返岸上丟,佢會話:『水面唔可以有垃圾,將佢帶番嚟。』」



Willa聽到媽咪講「執垃圾」時,反應好大,她立即加把口:「唔可以掟喺海,垃圾要放喺垃圾桶,我去執垃圾先。」Hidy也乘機教育囡囡要愛惜大自然,不要丟垃圾落海影響生態環境。Hidy希望遲些水中心可以多辦親子workshop,鼓勵家長帶着小朋友一齊來支持執垃圾:「呢個係公民教育,我好希望培養小朋友認識海洋,海洋係我哋屋企,有垃圾就污染咗。我唔想呢度咁商業化,只希望大家嚟到好舒服。」



拍攝當日,的確有不少垃圾沖了上岸,海上也漂浮了一些垃圾,Hidy說:「實在太多,個海本來好靚,但咁多垃圾就唔靚,好多垃圾都唔係本土嘅,應該係外面漂入嚟,當中有膠樽,亦有簡體字即食麵袋。」Willa不停催促媽咪快快下水行動,兩母女夾手夾腳把單板拖下水,已玩過SUP的Willa即醒目坐在上面,由媽咪撐着她一齊出海,Willa表現享受又淡定,她看到海上漂浮了垃圾,也有把垃圾帶回岸上,她們又在沙灘再執垃圾。母女執垃圾慶祝母親節,更具意義,Willa又在沙灘上用樹枝寫上「I love MaMa!」氹得Hidy好感動。



Hidy和Willa雖是母女關係,但彼此之間也是好朋友:「我哋相處好似朋友,我唔想淨係做個媽咪,如果佢曳,我喺街度鬧佢,我尷尬時,佢都會尷尬。我希望同佢sharing多啲,小朋友曳係因為佢唔識。」Hidy回想Willa兩歲時真是「Trouble Two」:「Willa試過打人同咬人,有一次,佢衝埋嚟咬到我手流血,嗰刻我好嬲,都好大聲鬧佢,Willa都嚇親,之後我同佢講咗好耐嘢,佢後來stop咗,小朋友真係要教育。」

 

Hidy分享這3年當母親的感受:「第1年感覺較深,第2、第3年經歷唔同階段,佢識講好多嘢,佢對答好仔細,我似多咗個friend,多過有個女。有時我帶佢出去玩,同佢講嘢,佢好似好明,感覺好得意,而家盡量會花多啲時間畀佢。即使我搞潛水中心,唔係咁多時間陪佢,但有時我會帶埋佢入嚟,佢自己坐埋一邊玩。」

 

Hidy表示會盡量讓囡囡自由選擇,快樂成長:「我會畀佢做自己想做嘅嘢,乜都畀佢試,佢舊年暑假鍾意跳舞同游水,我都畀佢去學,佢跳舞跳得好好,我想樣樣都等佢接觸吓,等佢知道世界上好多嘢可以試,揀啱鍾意再揀。」Hidy可會變怪獸家長?她答:「都唔算怪獸家長,好難講,香港始終係咁,壓力會push小朋友,可能我都會變少少怪獸家長,但盡量唔會,我會撳住自己,畀囡囡接觸多啲大自然嘢。人生可以好簡單,唔係一定讀名校,唔一定追求名車同豪宅,其實對住個海已經好開心,我會盡量唔畀囡囡太多物質。」



Hidy現在有女萬事足,還會為Willa添弟妹嗎?她說:「我諗唔會生住,一來自己有新嘢搞緊,二來我想對囡囡再多啲專注力,我未ready再生呀。而家只係期望囡囡開心,新世代嘅人好似擁有嘅嘢比我哋以前多好多,但好似唔係幾開心,我只希望囡囡有自己life style,我係佢人生同行嘅partner,希望佢開心。」



撰文:比華利

攝影:林德雄

攝錄:林德雄、馮嘉銘

化妝:Emma @ EM Make up



編輯推介:



【一同走出陰霾】網民擔心馬明凍親腳 鄭秀文直言要「做自己」



https://bit.ly/307GqX2





【終於出世喇】臍帶箍頸3圈 張嘉兒順產誕細女Hannah



https://bit.ly/2JqgIXP



【打算當外衣着出街】情趣內衣谷爆上圍 苟姑娘失守走光



https://bit.ly/30c5Xyn



【短暫停留】避走加國重新開始 李潤庭返港慶祝生日



https://bit.ly/2VqNeQI





【揸車玩手機】碧咸現身法院 被判罰款兼停牌6個月



https://bit.ly/2V7oWGl





《MCU寶石時軸全記錄》

1套6冊解構Marvel電影宇宙

入場睇Endgame前必讀天書!

https://hk.adai.ly/IFk7iee55V

-----------------------------

【記住63836568】全民爆相爆片!下一個爆料王就係你

https://bit.ly/2Guolu9

-----------------------------

星期一至五晚上10點半

《動腦Q》Let's Q the money!

http://bit.ly/2QW8LcI



Hidy現在有女萬事足  母女同心出海 母女同心出海
 母女過時過節都愛遊山玩水慶祝

母女過時過節都愛遊山玩水慶祝
 Hidy和Willa雖是母女關係,但彼此之間也是好朋友

Hidy和Willa雖是母女關係,但彼此之間也是好朋友
 母女執垃圾慶祝母親節,更具意義

母女執垃圾慶祝母親節,更具意義
 Willa不停催促媽咪快快下水行動

Willa不停催促媽咪快快下水行動
 Hidy希望水上活動中心能多辦親子workshop,鼓勵家長帶着小朋友一齊來支持執垃圾

Hidy希望水上活動中心能多辦親子workshop,鼓勵家長帶着小朋友一齊來支持執垃圾
Willa在沙灘上用樹枝寫上「I love MaMa!」

Willa在沙灘上用樹枝寫上「I love MaMa!」

鍾意就快D Share啦!