- 【圈中男友叫幫手執行李】鄧萃雯當時笑話：你係王子 我都係公主
- 24分鐘前
鄧萃雯孭飛的ViuTV新劇《婚內情》，首次跟陳錦鴻合作飾演兩夫婦，跟飾演第三者的談善言共存，感情關係複雜。現實生活中，鄧萃雯的感情路不比她演過的女角遜色，跌宕起伏，得失寸心知。
面對過往感情，鄧萃雯坦誠自小父母仳離，令她渴望得到愛，從失誤中學會成長。
鄧萃雯提及其中一個拍拖故事，令她當時有所覺悟。
「近幾年知道愛係咩，又肯承認愛唔只淨係得好嘢，你就明白，其實擁有嗰樣嘢係有好多付出，隨時可能係付出多過享受，咁你要唔要？你要就要係咁樣。我以前唔會咁樣嘛，尤其我哋呢一行，咁多桃花，咁多人鍾意，本身就會恃才傲物，因為整個環境都令你成為天子驕子，咁多人喜愛，你畀氣我受？但一個普通人無咁多人喜愛，佢自然會覺得有一個人已經當寶，我哋成日都畀人喜愛㗎啦。當你神咁樣添。女神嘛。所以你會覺得自己做開公主、皇后，你叫我跌落去做平民？我記得有一次，有個男朋友叫我幫佢執行李，我真係呆一呆，我話點解要幫你執行李？因為佢都係藝人，我話你係王子，我都係公主嚟㗎，我嗰時真係咁樣答佢，不過大家年紀仲細。」她回想。
鄧萃雯說自己當時「含住泡眼淚咁執囉」，然後她對童話故事改變了想法，她笑說：「我覺得唔可以鍾意王子，公主係唔會同王子幸福快樂咁落去。你唔覺得好好笑咩，童話故事成日都話王子公主就會快樂幸福咁生活落去。」她補充說：「佢唔係特登，係因為佢真係從來無自己執過行李，佢係王子嚟嘛，一係就有助手，一係就有其他人，總之會有人幫佢安排呢啲嘢。我覺得嗰次都幾得意。有時候，喺呢啲事情裡面，我就會諗到作為伴侶，尤其女性係天賦需要喺背後協助男性，係正常嘅。其實有好多人係願意咁做。我年輕時好忙，經常無得瞓覺，有一次唔知點解，突然好想顯示我嘅賢良淑德，所以就幫佢執屋，當時男友感淚流涕，我頭頂好似有個光環。」
不過鄧萃雯想得更深，她覺得一段婚姻裡頭，要另一半包容被寵慣的老婆，確實不容易。到現在，她也未遇到一個令她有結婚計劃的人。
來源 source: http://nextplus.nextmedia.com
|
鍾意就快D Share啦！
|
|
|