薛家燕在大陸食生蠔死過番生，在浴缸昏迷，險過鬼門關！
藝人薛家燕在電視城錄影《流行經典50年》節目時透露，因食錯嘢搞到又屙又嘔：「母親節嗰日返咗大陸做商演，主辦單位請我食西餐，我就食咗啲生蠔，到第二日返嚟香港，個胃同個肚就好唔舒服，屙嘔咗好多次，有一次我忍唔住嘔咗落浴缸度，但醒嘅時候竟然發現自己塊面對住個浴缸底，手腳麻痹，隔籬就係啲嘔吐物，即係其實我係暈咗，於是就慢慢爬番起身叫個女同工人，我諗都暈咗有分零兩分鐘，好彩個浴缸冇水，如果有水我就浸咗落去。」
問之後可有入院檢查？她說：「冇呀！但有睇醫生。」樂觀的她笑言：「不過佢哋話我瘦咗好多，所以嚟緊六月尾嘅澳門演唱會，謝天華可以抱得起我」
另外，早前拍檔黎小田肺炎入院，她說：「佢出咗院，應該冇乜嘢，依家就休息緊，佢都話好掛住大家。（佢幾時復工？）未知。」
來源 source: http://hk.on.cc
|
鍾意就快D Share啦！
|
|
|