騰訊（700）今日舉行股東會兼發佈季績，不少出席的股東都是騰訊的長情股東，有些持股更是由上一代傳給下一代。
李先生拖著幾歲的兒子一起出席股東會，他笑言手上騰訊股份是由爸爸於騰訊上市時買下，留下給他，「所以依家唔使返工！」但他拒絕透露持股數量，「秘密呀，驚被稅局搵我哋。」
騰訊2004年上市，上市價為3.7元，計及股份1拆5因素，現時升幅近500倍，以當年一手成本3,700元計，現時價值為185萬元。
另一股東黎先生持有約1000股騰訊，他稱自己都唔係持有好多，「都係少少啫。」他透露，目前為止都有得賺，但派息一向都不滿意，只希望股價向上，升至400元便會沽貨，「目前為止都有得執吓啦，（會唔會持貨至450元？）唔好啦，都唔好制啦，因為佢南非嗰間已經係410元，我諗（升勢）應該差唔多盡架啦。」南非企業Naspers為騰訊的大股東，在三月底計劃配售逾1.89億股騰訊。
梁先生指，炒股票唔係談情，賺到就走。他自言至今都已沽貨數次，目前未有再沽貨的時間表，因他預期今年內股價會不會上升至400元，所以都會先持有，「賺到就走，但我諗今年都唔得架啦，個走勢都唔係咁強。」他對騰訊派息太少表不滿，指其他高息股都會有近6厘息，但騰訊3厘都沒有，「有時股價唔好的時候，你想話持有收息都唔得。」
記者：劉曉鳴
| 「騰訊養三代」的李先生攜兒子出席股東會。 | | |
| |
|
鍾意就快D Share啦！
|
|
|