掃呢頁CODE去手機

2019年6月24日 星期一

羅霖怨要乸唔要仔 買定姑婆屋 __,羅霖,

駐顏有術的羅霖推出美容書,親授秘訣。
羅霖怨要乸唔要仔買定姑婆屋美魔女羅霖事隔三年載譽歸來推出美容書,向來勇字當頭的她不但當白老鼠試美容針,更為完美效果不惜「飛Bra」半裸上陣,不諳水性的 ...


羅霖怨要乸唔要仔 買定姑婆屋

美魔女羅霖事隔三年載譽歸來推出美容書,向來勇字當頭的她不但當白老鼠試美容針,更為完美效果不惜「飛Bra」半裸上陣,不諳水性的她還冒險玩水底拍攝。為養育三名兒子,她承受巨大經濟壓力,已將追求者全拒諸門外,揚言買定姑婆屋養老,因男人靠唔住,要乸唔要仔!

三年前以美魔女姿態推出寫真的53歲羅霖,多年來不停被游說推出關於美容保養的書籍,她遲遲未出,源於一份責任感:「本書講扮靚Keep fit外,仲會教人點樣去減壓,始終都市人生活緊張,好易有情緒病。因為出美容書同寫真唔同,要花好多時間資料搜集,我又驚寫得唔好,所以要搵到一個明我嘅人去代筆。」

書中加插個人圖片,她在香港、韓國、泰國及上海四地拍攝,為效果完美更「半裸」上陣!拍攝浸玫瑰花浴的相片時,羅霖初時戴nude bra,但多次發生「飛bra」事件:「因為浸熱水,啲水蒸氣搞到個nude bra黐唔實,期間有個男工作人員話過嚟睇點幫我,我話千祈唔好,否則一嚟就睇到。個nude bra幾次都黐唔實,最後索性唔黐,第一次咁坦蕩蕩。」為自我挑戰,不懂游泳的她冒險玩水底拍攝:「要喺條腰綁住舊鉛,我唔識游水,影相時要閉氣兼擘大眼,又要顧住條裙同髮型,成個過程影咗兩個鐘,教練話我學得快,因為我唔想阻人收工。」

羅霖真情剖白對愛情的睇法。
  • 羅霖真情剖白對愛情的睇法。
53歲羅霖身材Fit爆,難怪追求者不絕。

  • 53歲羅霖身材Fit爆,難怪追求者不絕。

唔靠三個仔養

豁出去真空兼玩水都未夠,羅霖飛韓國當白老鼠,體驗最新的美容針:「要介紹畀人,我要親身去試個效果,試打賀爾蒙平衡針,令個人平衡番同健康啲,要打足一個月,因為我睡眠質素差,又要擔心經濟壓力。」

心血未正式推出已有超過一千本的訂單,而部分收益更會捐往單親媽媽協會。作為獨力供養三子的單親媽媽,羅霖甘願放棄愛情,2016年情牽比她年輕廿年的內地富二代小鮮肉J君,並一時興起拍攝「婚照」,當時J君更說會為她放棄傳宗接代的使命。可惜情深緣淺,感情維持兩年結束,原因是她感經濟壓力大,沒時間經營感情。

獨力照顧三個兒子的她,感觸落淚。

  • 獨力照顧三個兒子的她,感觸落淚。
為拍攝靚相,羅霖要捱冷落水。

  • 為拍攝靚相,羅霖要捱冷落水。

羅霖坦承追求者不絕,有小鮮肉也有比她年長的,但她已疊埋心水,買定「姑婆屋」養老,認為「男人靠唔住」,要乸唔要仔:「呢一刻都有人追,但我放棄,我仲要喺事業上衝刺,起碼要等小朋友大學畢業先,緣分錯過咗未必再有,但我唔會後悔囉。本身壓力太大,再承受感情壓力,我驚我會崩潰。其實有幾個對象淨係想同我一齊,唔想同我三個小朋友一齊,我係唔會接受到。所以打定輸數,同朋友買姑婆屋一齊住。唔奢望三個仔養我,第時佢哋大個咗有女朋友、有老婆,就會冇咗媽咪,除非佢哋搵咗個老婆好錫我,咁我就唔會冇咗個仔。」

眼濕濕撐起頭家

當想起一幕幕獨力支撐頭家的不易,她哽咽說:「有時閂埋房門祈禱會喊,好感恩呢幾年有宗教信仰,有朋友同父母支持,先可以捱到今日。每個月開支非常大,基本上呢頭賺完嗰頭已經使晒,因為二仔喺美國讀書一年已經要五十萬學費,養一個小朋友開支真係好大,我仲要三個就更加犀利。我有紅酒同美容院生意係固定收入,如果冇嘅話真係瞓街o架!娛樂圈嘅工作唔穩定,可能呢個月有,下個月冇,感恩我暫時個個月都有工開,唔使降價,但可能過多兩年老啲就要,如果真係要我降價都願意,為咗屋企冇問題。」






鍾意就快D Share啦!