- 【致年青人歪理短片】被網民指疑幕後操刀 李力持對豬頭奸笑:我真係好驚呀
- 51分鐘前
272422,272423,272424,272425,272426
日前網上流傳一條「致年青人:你哋冇上街嘅父母根本冇愛過你」的影片，片中青年把遊行示威，與父母兩代問題混為一談，製造家庭撕裂互相批鬥，與6.16父母陪子女上街遊行大相徑庭。歪理連連，就連黃秋生都睇唔過眼，在FB教訓一輪，鬧爆:「仆街仔」，條片事後在網民洗版鬧爆後即日刪除。
不過此片背後真正動機，是誰發功，幕後首腦等問題，俾網民抽絲剝繭搵答案。有人發現那位片中鬧父母的青年，傳是姓袁，疑似是仁濟董之英就紀念中學的學生，他被網民發現對住鏡頭，眼球由左掃去右，似在讀稿的「演員」。有不少網民推斷此片疑是由建制的「作品」？
昨日導演李力持在FB貼了一個留言，內容大致為:「絕不投降拒絕道歉！建制你班癈(廢)炳當然可以唔出聲唔做嘢扮無辜，我有咩可以幫到手？你哋起碼出錢幫手剪好啲片對抗對手……立行(即)行動救港！200萬人上街喎！怕佢條毛，我有13億人加500萬人！無論點！不能認輸！」隨即有人在網上留言，指李力持曾在董之英培訓演出，與學生拍過幾條網片，令人聯想與此片的種種關係？
李力持今日再在FB發功:「想抹黑我呀，好很驚呀，癈(廢)青只有癈(廢)橋，我家下旁邊全是國安和強力部門。」，之後POST出「致年青人」那條片的主角相，留言「癈(廢)青！仲唔出黎指證我！話我餵你食藥，逼你拍！英雄你有料到！起碼靚仔過痴瘋隻老鼠！你上位！夠扑街我撐你！」之後在新戲開鏡儀式，對住燒豬頭發出奸笑猛講:「我真係好驚呀！好驚呀！」不過轉過頭又把兩片刪掉。
來源 source: http://nextplus.nextmedia.com
|
鍾意就快D Share啦！
|
|
|
