掃呢頁CODE去手機

2019年6月24日 星期一

美洲國家盃:【有片】球王甩轆 美斯近門炒高 __,美斯,

(GettyImages)「美洲國家盃」全天候至強盤路資訊,一網睇晒:https://bit.ly/2wOTjaV 球王美斯踢巴塞想點就點,但去到阿根 ...


(Getty Images)


「美洲國家盃」全天候至強盤路資訊,一網睇晒:

https://bit.ly/2wOTjaV 

球王美斯踢巴塞想點就點,但去到阿根廷即時被廢武功,周一(24日)凌晨美洲國家盃B組生死戰,阿根廷幾經辛苦贏卡塔爾2比0,比賽期間出現可能係美斯職業生涯最尷尬一幕,佢門前接應隊友底線傳送,近門撞射竟然炒到9樓咁高,令身邊隊友愕晒然。

阿根廷之前兩仗1和1負,B組最後一仗非勝不可,開賽4分鐘卡塔爾後衞派膠誤傳,拿達路馬天尼斯門前得機快射破網,阿根廷輕鬆領先1比0,大家都以為阿根廷好好踢,可以順利贏波,但球隊仍然交唔出水準,攻極唔入,仲畀卡塔爾一兩次突擊幾乎玩殘,相當狼狽。

踢到72分鐘,阿根廷仍然領先1比0,一次攻勢中,美斯門前12碼點接應隊友左路底線傳中,呢啲波美斯喺巴塞話入就入,射穿網都仲得,但偏偏喺呢個重要時刻美斯竟然炒波底,個波飛到9樓咁高,隊友呆晒望住佢,而佢都好尷尬,苦笑揮手擰擰頭。

錯失呢個保險球機會,若然阿根廷不幸被卡塔爾追和,美斯就會成為罪人,好在佢老友阿古路做到嘢,82分鐘單刀射成2比0,為阿根廷奠勝狼狽晉級,美斯大步檻過。不過老實講,對住卡塔爾都踢到咁辛苦,阿根廷喺今屆美洲國家盃嘅奪冠機會,都係抆水喇。

立即參加「賞您睇」:http://bit.ly/2JWKULh 

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!