- 梅小惠踩入眼鏡界圓夢 死黨阮兆祥江欣燕現身撐場
- 10分鐘前
近年鮮有出現公開場合、以開心果見稱嘅梅小惠日前於廣州出席輕便服的秋冬發佈會。退出幕前多年嘅小惠近年轉戰商界，入股餐廳做老闆娘之餘，今年仲踩咗入眼鏡時尚界，參與品牌的眼鏡項目策劃，今次發佈會首次展出佢嘅大作，死黨阮兆祥及江欣燕更專程從香港到廣州出席活動大力支持。小惠受訪時表示對能成為品牌的一份子感覺超開心: 「因為呢個牌子係我細細個就開始著，以前同同學仔一齊捕住佢減價，佢哋一減價，一陣就比人掃哂。所以有機會我参與佢哋嘅眼鏡項目策劃，完成咗我其中一個夢想，由設計到生產都會落手落腳同團隊一齊做，賺到一個好好嘅經驗。」覺得眼鏡最重要嘅元素？「用料要優質同咪配戴要舒適。今次配合返個品牌簡約嘅理念，設計並唔係最難嘅地方，最難嘅地方會係質素上，因為我要求好高，選料全部都係用意大利、日本同韓國料，同時都需要控制成本，所以呢個反而係最大嘅挑戰。」問及祥仔及欣欣又有無咩夢想時，祥仔表示自己現時最大嘅夢想就係做歌手：「我應該都係由胚胎已經鐘意唱歌，所以今年起主力發展都會係歌唱事業度，嚟緊我除咗十月會有自己嘅演唱會之外，另外希望有機會參加多啲歌唱比賽節目或者做評審等。」欣欣則謂：「其實我係好佩服小惠係最紅時跳咗去另一個行業，真係要有無比魄力，我無呢種勇氣，所以今次無論幾遠都嚟支持佢。如果有機會一試，品牌出化妝品嘅話我都會有興趣參與，因為本身鐘意都好Mix and match加上品牌都係細個已著嘅牌子，會對佢有一個情意結。
立即下載APP，精彩內容壹手掌握
下載連結： http://bit.ly/Next29App如對會員訂閱制有遇到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|