呂慧儀雖然3月才宣佈與前夫黃文廸去年已離婚，但連月來依然經常笑口常開，原來是有愛情滋潤。日前有讀者透過「爆相爆片」，踢爆呂慧儀與《愛．回家之開心速遞》的拍檔張景淳手拖手睇戲，再被《蘋果》記者直擊二人睇戲後覓食再「愛回家」。不過，張景淳過往緋聞不斷，更曾被指大搞四角關係。
相關新聞：劇中爸爸劉丹送祝福
現年36歲的呂慧儀和38歲的張景淳在一年多前合作拍無綫處境劇《愛．回家之開心速遞》，觀眾見證「龔燁」張景淳和「熊若水」呂慧儀由歡喜冤家變成情侶。至呂慧儀與黃文廸今年3月宣佈離婚後，不少觀眾也希望她與張景淳能戲假情真。
| 【甜蜜睇戲】 張景淳（左）與呂慧儀日前一齊睇戲，讀者更見到兩人拖手。 讀者提供圖片 | 電影完場後，呂慧儀先行離開。DV圖片 | |
睇戲拖手
日前《蘋果》讀者陳先生就透過「爆相爆片」，踢爆呂慧儀和張景淳上月14日晚上7時50分，在數碼港一間戲院手拖手拍拖睇《阿拉丁》（Aladdin）。由於戲院內嚴禁拍攝，所以讀者只在開場前拍到二人背影，陳先生說：「佢哋前後腳入場，揀咗尾四行偏右角落，相對較少人見到。坐低之後，男嘅除咗頂帽一陣又戴番。之後佢哋就拉起咗中間嘅手柄，不時咬耳仔傾偈，頭碰頭好close，仲有拖手呢啲親密動作。」
相關新聞：【感情專一】呂慧儀去年離婚
電影約晚上10時完場，《蘋果》記者直擊散場時，呂慧儀先頭耷耷步出，邊行邊講電話，張景淳則在數分鐘後才離開戲院，兩人再前後腳行到戲院附近取車，全程表現避忌，不時四圍眼望望，似怕被人發現，之後由張景淳負責駕駛呂慧儀座駕一同離開。
張景淳與呂慧儀隨後前往西環找餐廳食飯，兩人落車先後巡視過兩間日本餐廳，發現餐廳關門在即，便再開車到天后，可惜再遇上餐廳熄燈關門。最後兩人前往旺角，最終決定買魚蛋和燒賣返回呂慧儀黃金海岸香閨，由於之前花了很多時間覓食，故返抵屯門已是凌晨1時，記者守候至凌晨2時也未見張景淳離開。
呂慧儀與黃文廸離婚後，4歲兒子「蟹籽」雖然由呂慧儀與前夫共同撫養，但平日都是交由呂慧儀父母照顧，換言之張景淳作客女方家也並無造成不便。對於與張景淳秘密撻着，呂慧儀昨日回覆傳媒時死口不認：「你入戲太深啊？我淨係同我老闆（即兒子）拍拖咋。」當中夾着一個笑到喊的emoji。當得知被影到深宵一齊返香閨，呂慧儀問完「幾時？」後便沒有再回覆。
| 【覓食失敗】 呂慧儀與張景淳睇戲後覓食，去了三間日本菜餐廳都摸門釘。 | 最後由張景淳負責買燒賣、魚蛋等小食，再返回呂慧儀香閨。 | 張景淳駕駛呂慧儀座駕直駛往女方屯門寓所，至凌晨2時仍未離開。DV圖片 |
正常社交
戀情被踢爆後，呂慧儀昨午到電視城開工，她表示睇戲只是正常社交：「發展機會唔諗住，冇時間拍拖。平時熊家都有食飯，只係特別同『龔燁』特別熟。」對於未來感情發展，她就保留可能性：「將來關係唔知，可能佢同我老闆（即兒子蟹籽）上契都唔定呢。」但一講到拖手時，她就以笑帶過：「哈哈哈，拖乜手呀？」張景淳也口脗一致說兩人是好朋友、好拍檔，希望保持現狀。提到他到呂慧儀寓所，他就說：「拮完魚蛋就走人啦。」
| | 互聯網圖片 | |
呂慧儀前夫黃文廸昨日傍晚6時許獨自離開天水圍寓所，得知有記者採訪，即一臉愕然，急步前行。被問到知否呂慧儀與張景淳拍拖？他禮貌地說：「Sorry，thank you。」再追問有否聯絡前妻，他極速進入屋苑商場。
其實張景淳過往曾有不少花邊新聞，2014年曾被指與宋雙佳、張惠雅及其男友大搞四角戀。張景淳去年則曾被拍到與菊梓喬睇戲，再直駛張景淳家中過夜。所以雖然有不少劇迷開心兩人戲假情真，也有網民並不看好兩人關係。
採訪、攝影：吳耀輝、孔志豪、徐錦池
|
鍾意就快D Share啦！
|
|
|