掃呢頁CODE去手機

2019年7月12日 星期五

【鄭秀文頭場】Sammi台上不慎爆粗:大家唔怕畀後面人揼X __,Sammi,鄭秀文,

攝影:沈健程
鄭秀文(Sammi)今晚在紅館舉行「#FOLLOWMi世界巡迴演唱會」頭場,Sammi在最近兩個月更經歷了一段感情波折,老公許志安被發現與黃心穎在車廂 ...


鄭秀文(Sammi)今晚在紅館舉行「#FOLLOWMi 世界巡迴演唱會」頭場,Sammi在最近兩個月更經歷了一段感情波折,老公許志安被發現與黃心穎在車廂攬啜,安仔即時道歉、停工,今日安仔亦有到場力撐Sammi。雖然早前Sammi呼籲大家唔好在演唱會中用螢光棒,但現場仍有不少歌迷用螢光棒。

相關新聞:【唔嬲安仔】Sammi粉絲提早到場打氣 Mi鍾意乜都支持



2215:Sammi唱到《衝過去》時,僅用兩條威吔吊到紅館半空翻兩個後空翻,又在半空模仿飛翔動作。



2200:Sammi以貼身黃色圖案造型,連續唱出《男仕今天你很好》、《叮噹》,再邀請樂隊鐵樹蘭合唱《Power Of LOVE》及《煞科》。唱《煞科》中段時,Sammi chok住表演打鼓,最後更鼓棍四飛。

相關新聞:【鄭秀文頭場】Sammi向Fans揮手鬆膊 開心大啖食燒豬



2145:Sammi以超高衩牛仔褲露bra裝,站在吊於半空的傘形裝置唱《跳傘》,唱畢叫觀眾大嗌:「你哋嗌啦,我堅決唔嗌,我要養聲。」隨即Sammi話要唱《不要驚動愛情》,又自嘲:「一驚動真係好大鑊㗎,哈。」唱完後,Sammi說:「大家好,終於嚟到我人生第十個演唱會,好開心冇諗過自己有機會開十次演唱會,多謝大家畀機會我,一次一次再一次。我對上一個演唱會,已經係兩年半三年前,嗰個失聲演唱會,頭先諗起好多感人嘅一幕幕,你哋喺台下有邊個幫我唱過歌呀?」接著Sammi竟然不慎爆粗:「真係少咗螢光棒喎,大家唔怕畀後面人揼實,揼X。」忽然爆粗的Sammi,尷尬儍笑踎喺地下話:「唔係呀,我係想講揼實呀,你哋幫我嘟咗佢呀。」欣宜同Sammi合唱《默契》,Sammi以「今日真正嘅女神」來形容欣宜,又和欣宜說:「你唔好話細細個聽我唱歌呀,不過可能你未出世!」



2115:Sammi開騷近20分鐘,已換4個造型相當落力。唱出《十誡》時忘形跳舞,甚至唱到跪地。Sammi又藏身巨型閃閃「石柱」中蒙着眼,唱出《傷》,其後她從「石柱」步出,向觀眾說:「如果有事發生,令到你遍體麟傷,但係痛過之後,你哋嘅愛情將會變成世界之最。」全場歡呼,然後脫下蒙眼黑紗,露出眼淚妝並唱《世界之最》。



2100:Sammi換上裸色貼身舞衣唱《裸體早餐》,唱到後段,Sammi騎於男dancers膊頭上唱,唱畢由3位猛男造成的人肉樓梯走下來。接着又穿上紅色皮boot及紅色長手套唱《不要》及《顏色...氣味》,期間不時自摸、擘髀,又與男dancers借位跳辣身舞,動作撩人。



2054:第二套shocking pink魚尾貼身連身裙,繼續唱《終身美麗》,但由於魚尾太巨型,Sammi掛住拉裙甩嘴,但無礙演出,全場反應超high。



2048 :Sammi以白色巨型婚紗造型,配超厚底Platform shoes唱《終身美麗》,Sammi明顯步步為營,邊行邊望地下,行至台中機關終於可以企定定。Sammi出場說:「今晚FollowMi第一場所有觀眾你哋好,係咪等左好耐啦?要嗌好嗌啦,因為今晚嘅表演會一浪接一浪。你哋估下我下套衫係咩顏色?」然後從台中降落台底。



-----------------------------

【每周送10萬】

升級壹會員獨家尊享,立即參加10萬火急大抽獎!

*推廣生意的競賽牌照號碼:52302-9

-------------------------------

錶迷必讀!

89頁腕時計電子書 66款嚴選年度新錶

https://hk.adai.ly/e/v7jEA0MC1X



攝影:沈健程

Sammi好友甘比帶同囡囡入場。

Sammi好友甘比帶同囡囡入場。
 亦見到梁詠琪及鍾楚紅。

亦見到梁詠琪及鍾楚紅。
Sammi以白色巨型婚紗造型現身。

Sammi以白色巨型婚紗造型現身。
Sammi開場近20分鐘,換了4套。

Sammi開場近20分鐘,換了4套。
  第二套魚尾裙。

第二套魚尾裙。
 第三套是裸色衫,其他dancers排成人牆。

第三套是裸色衫,其他dancers排成人牆。
 其後又換衫熱舞。

其後又換衫熱舞。
 唱《十誡》更忘形跪地。

唱《十誡》更忘形跪地。
Sammi藏身石柱說:痛過之後,你哋嘅愛情將會變成世界之最。

Sammi藏身石柱說:痛過之後,你哋嘅愛情將會變成世界之最。



欣宜以嘉賓身份上台

欣宜以嘉賓身份上台

鍾意就快D Share啦!