網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年11月20日 星期三

黎耀祥:挑戰古文普通話對白 祥仔甘做男二有原因 __,祥仔,阮兆祥,黎耀祥,

祥仔新劇已經播出喇。視帝黎耀祥主演的內地古裝劇《鳳弈》已在港播出,他對上一套無綫劇已是年半前的《逆緣》,事隔多月終於再有新作跟香港觀眾見面,他表示《鳳 ...




祥仔新劇已經播出喇。


視帝黎耀祥主演的內地古裝劇《鳳弈》已在港播出,他對上一套無綫劇已是年半前的《逆緣》,事隔多月終於再有新作跟香港觀眾見面,他表示《鳳》劇編審是合作過《西遊記》、《秀才愛上兵》及《巾幗梟雄》系列的張華標,默契十足,因此二話不說接拍。


好人做到厭


曾奪三屆視帝的黎耀祥對演技仍有所追求,希望接演多層次甚至古怪角色,直言近年多被安排做正直好人,笑言「好人難做」,也驚會做到厭:「主角好少可以做離經叛道嘅事,我好怕又係做好男人,有個好老婆好家庭,咁咪即刻做自己?我希望有啲新衝擊,客串都好,所以我成日叫監製唔好搵我做好人,好似『柴九』係小人物,會有情緒,做角色最緊要有人性,唔係完美咩都唔會嬲。」


同皇后搞曖昧


《鳳》劇中黎耀祥飾演表面上囂張跋扈的中侍朗朗坤,他指角色複雜有層次,所以即使今次是男二也樂意接拍,事實上其神級演技成功搶晒鏡!講到戲中與皇后有一段微妙感情,他直言相當特別:「皇后同官注定唔可以一齊,只可以互相守護,呢份感情現今世代係冇,你唔可以佔有佢,但依然不離不棄,係好昇華嘅感情。」


堅持講普通話對白


鮮有返內地拍劇的黎耀祥表示其中一個挑戰是熟讀普通話古文對白,雖然官方必定再有後製配音,但祥仔仍堅持現場說普通話,非常敬業:「我希望同其他人同一語言,唔想抽離咗,所以準備工夫多好多,壓力好大。」


對於佘詩曼拍《延禧攻略》時一招「廣普交替」,黎耀祥笑言非常犀利:「呢招勁呀!但我覺得要轉Channel仲難!」而TVB版他會親自配音,令觀眾更有親切感:「自己演繹番會更細緻,有時講嘢尾音、語氣可以交代唔同意思,我覺得廣東版效果仲好。」


---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。

來源 source: http://hk.on.cc
鍾意就快D Share啦!