當說到：「中大由錢穆創立，新亞書院繼承中華民族文化的傳統，一直都是世界頭7、80名的大學，出過好多優秀學者，眼看中大火光熊熊，我身為香港人。」他已泣不成聲，哭得要脫下眼鏡拿紙巾抹眼淚，然後哭着續說：「咁多中大學生受傷，覺得非常之痛心，咁我就好多朋友都撲咗入去，佢哋係要求支援，我係pass個訊息俾大家聽，希望有人入去，或者有物資入去，希望18區都可以有人企出嚟示威，圍魏救趙，希望減輕中大壓力。」
作為香港人，老蕭指自己有種責任去維護香港價值，香港的生活形式，但面對中共強大施壓下，他說：「係咁嘅巨石壓頂，泰山壓頂，不顧一切壓力下面嘅香港人可以做嘅嘢係好少，一兩年前我已經講咗，我哋可以做嘅就係維護自己尊嚴，所以5個月前一直勸大家已經foresee到終有一日，再暴力升級會有這樣收場，我哋嘅年青人受到好大損失，而香港嘅社會就係北京繼續用更加高壓手段去對付香港，令到我哋嘅自由進一步喪失，我只係傳達一個訊息俾大家聽，我唔敢勸大家做乜唔做乜，自己可以諗下，可以afford幾多嘢，同埋可以幫手做到幾多嘢，起碼幫手作出一啲呼籲。」
來源 source: http://hk.entertainment.appledaily.com
|
鍾意就快D Share啦！
|
|
|