【頭條獨家】做YouTuber好enjoy 張堅庭歎茶睇電腦入晒神
64歲的張堅庭，與楊受成女兒楊諾思婚後育有兩子一女。他做過導演，也曾是演員，去年他在YouTube開設頻道，給自己一個言論空間；至今1年多，已有逾5萬訂閱者。早前難得空閒他便到銅鑼灣行街買嘢食，買完鳳梨酥，再買滴雞精補身，之後攰攰哋就坐低歎杯凍檸茶。見他一坐低就急不及待開電腦，之後睇到入晒神好enjoy，鬆一鬆後就等司機接載返屋企。 採訪：梁志明
近年張堅庭已很少做幕前工作，至去年突然在YouTube開設頻道，他表示想留個空間給自己發言，內容環繞飲食、健康、旅行、教育，甚至政治，想講咩就講咩。他坦言做YouTuber乜都要一腳踢，雖然拍片質素有待改進，但不乏捧場客，開了一年多已有逾5萬訂閱者，200幾段影片累積觀看次數有800幾萬，他稱成績已超出他的預期，做得算唔錯喇。
一支公好輕鬆
早前張堅庭趁有時間獨自到銅鑼灣白沙道行街，經過鉅記就入去兜個圈，試食咗曲奇同鳳梨酥，見他食得好滋味，之後立刻掃番兩盒紫菜肉鬆味的鳳梨酥走人。跟住他途經余仁生，見門口有新產品推介，當他考慮買唔買時，店員笑晒口出嚟兜售，唔使300蚊盒滴雞精，他又決定買嚟試吓。行到攰，佢行咗去茶餐廳歎杯凍檸茶，一坐低他就即刻攞部電腦出嚟，見他睇到好入神，非常enjoy。逗留咗約半個鐘，他就行去利園山道坐車離開。
來源 source: http://hd.stheadline.com
|
鍾意就快D Share啦！
|
|
|