楊柳青喺《逆天奇案》中擺低性感形象，做麻甩幹探！
新一代打女楊柳青（Wiyona）於劇集《解決師》中飾演「俏秘書」一角而知名度大增，在劇中不少性感場面又剝衫又露背！而最近她在無綫新劇《逆天奇案》中一洗「俏秘書」的媚態，飾演性格豪爽的麻甩幹探，跟黃智賢（Ben）、古明華、陳偉洪等齊齊查案。為營造麻甩感覺，Wiyona更刻意以短髮造型上陣，她說：「今次角色好粗魯、豪爽兼不拘小節，雖然跟之前俏秘書角色好唔同，但演繹上冇乜難度，因為現實嘅我都係比較爽朗，而為咗加深粗豪感覺，我刻意剪短頭髮，都有近十年未試過短髮，感覺好清新。」
在《逆》中，Wiyona跟Ben、古明華等首度合作，她大讚二人感覺親切，仿如一家人，Wiyona表示：「未同阿Ben合作之前，見到佢個樣以為佢好嚴肅，但原來佢好搞笑，好鍾意講笑話，尤其當大家拍劇拍到好攰嘅時候，阿Ben都會講笑話令大家提起精神，而且佢好照顧同劇拍檔，有時佢會幫我哋記埋對白，又會教我哋講對白嘅語氣，係一個好好嘅前輩。」
來源 source: http://hk.on.cc
|
鍾意就快D Share啦！
|
|
|