鄭若驊上月在英國倫敦仆倒街頭。
民望長期「墊司底」兼醜聞不斷嘅律政司司長鄭若驊，上月中喺英國倫敦訪問期間被反修例示威者包圍，混亂期間狼狽仆倒街頭，左手腕脫骹兼骨折，並留英休假養傷，有報道則指佢已低調返港，但律政司拒披露佢身在何處。
東網向律政司查詢有關鄭若驊係咪已經返港、係咪已恢復上班抑或仍在放病假，以及幾時會復工等等，律政司回覆指司長早前喺倫敦被推跌受傷，接受手術後現時正放病假，期間司長仍然繼續處理公務，但有部分工作，由於司長佢尚未完全康復因而唔能夠處理，例如出席活動等，仲話若有進一步消息，司長會適時公布。但並冇講到佢究竟仍然留喺英國抑或已經返港。
鄭若驊早前曾解釋受傷情況，指左手腕脫骹兼骨折，需要裝上鈦板，協助穩固骨折位置，又指醫生稱其左手至少需要3個月至1年才能完全康復，其手部神經有受損的症狀，日後可能需要做手術。
來源 source: http://hk.on.cc
|
鍾意就快D Share啦！
|
|
|