美國電影網站TC Candler每年都會揀出全球百大靚女，而早前公佈2019年排名第一嘅就係韓國女團TWICE嘅成員周子瑜。不過，TC Candler所刊登嘅周子瑜照片之上，竟然同時出現一個大嘅中華民國旗，同埋一個細嘅中國旗，相當耐人尋味。
現年20歲嘅周子瑜出身於台灣，但所屬國家竟同時印有中華民國和中國嘅國旗。對此，台灣網民都憑size大細笑住咁話：「看國旗大小，中國是台灣的一部分。」「笑死，下面(小的)那個(中國旗)是安慰中共用的？」「哈哈，這是在羞辱中國。」
其實周子瑜已經連續5年入選TC Candler嘅全球百大靚女，之前四次都只係印有中華民國旗，點解今次要多此一舉印埋中國旗？據知，TC Candler嘅亞太專利權被中國公司買咗，投鼠忌器，唯有印埋中國旗，免得同人民幣過唔去。
點知，而家隨時搞出大頭佛，甚至有可能影響埋台灣總統大選。
事關出名玻璃心嘅中國人，隨時因為國旗細而發爛渣，搞到周子瑜可能又要公開道歉。點解「又」？2015年，周子瑜喺韓國節目中手持中華民國旗並表示自己嚟自台灣，隨即被批為台獨份子，導致大陸人對佢口誅筆伐，甚至影響所屬娛樂公司賺人仔，周子瑜最終拍片道歉明言：「我始終為自己是一個中國人而感到驕傲。」事件先慢慢降溫。不過，當時適逢2016年台灣總統大選，影響相當之大。無獨有偶，喺2020年台灣總統大選將至嘅呢個時候，周子瑜又夾喺台灣同中國問題之間，隨時又激發台灣民眾對中共反感，影響選情。
如果真係咁，TC Candler究竟係中國嘅豬隊友，定係台灣嘅神助攻？
順帶一提，日本女星石原聰美國籍都可以錯得離譜，竟印上中國旗，呢個所謂「百大美女」評選，認真就輸了。 -----------------------------
【壹週刊直播平台 ChannelNEXT】
全城抗暴 區區論壇同你深度剖析
立即睇
-----------------------------
【升級壹會員登記站 為你解疑難！】
親臨旺角做升級壹會員，即送「香港人：抗爭之夏」限量明信片
詳情地址
來源 source: http://nextplus.nextmedia.com
|
鍾意就快D Share啦！
|
|
|