2019年12月30日星期一

【頭條獨家】音樂劇《獅子王》登陸香港　「辛巴」Jordan自爆徵選大走音 __,

【頭條獨家】音樂劇《獅子王》登陸香港　「辛巴」Jordan自爆徵選大走音

迪士尼音樂劇《獅子王》登陸香港，男主角Jordan Shaw自爆徵選時竟然大走音！

迪士尼著名音樂劇《獅子王》國際巡演－香港站，由即日起至明年1月12日假亞洲國際博覽館Arena上演，該劇動畫版是不少人的童年回憶，對於四位《獅》劇演員Jordan Shaw、Mthokozisi Emkay Khanyile、Antony Lawrence及Ntsepa Pitjeng亦然，故今次能夠參演這部受全球歡迎的經典之作，可謂一圓夢想，但主角Jordan自爆參加徵選時卻大走音！撰文：黎寶倫攝影：李維隆

首次來港演出的（右起）Jordan Shaw、Ntsepa Pitjeng、Antony Lawrence及Mthokozisi Emkay Khanyile均表示期待！

現年28歲的Jordan Shaw，6歲開始接受舞蹈訓練，一畢業便衝去徵選「辛巴」一角，怎料在唱歌時災難性地走音，他笑道：「因為我天生一把男中音聲，唱唔到『辛巴』嘅歌，所以我用咗好多錢、時間去搵星級導師，訓練到把聲有男高音嘅元素，但到𠵱家都覺得《Endless Night》好難唱，因為需要好大體力同控制。」Mthokozisi Emkay Khanyile自爆起初想做「辛巴」，惟本身聲線較低沉，最終獲安排扮演爸爸「木法沙」，「一直都覺得呢個角色係要用沉聲演繹，但由後備轉做正式演員後，監製叫我把聲唔使咁沉，可以放鬆少少，當下覺得係一種解脫，亦啟發咗我唔使咁大壓力，令個角色發揮得更好。」

飾演奸角「刀疤」的Antony Lawrence指角色需經常大聲呼喝，加上一星期演足8場，生活必須要自律，休息充足來護聲。

扮演「拉飛奇」的Ntsepa Pitjeng（左）以聲線演繹開場及結尾，責任重大！

「刀疤」樂做奸角嚇細路

Antony Lawrence則自覺演繹的大壞蛋「刀疤」與一般迪士尼奸角不同，「好多時啲壞人都係邪惡嘅女人、巫婆，但『刀疤』比較多層次，我亦唔驚被小朋友討厭，因為嚇到佢哋係一種成功感，有時小朋友一見到我就預料到有壞事發生，令到佢哋驚先代表我做得好。」飾演「拉飛奇」的Ntsepa Pitjeng認為最大挑戰是以聲線演繹，幸相比韓國、新加坡等地，香港的天氣很適合表演，她笑道：「呢度嘅天氣唔太凍又唔太熱，身體同把聲嘅狀態都OK，所以香港嘅演出應該係最精彩！」