【頭條獨家】 視演出為人生一大祝福 潘源良望Sammi奪影后
潘源良最近在執導電影《聖荷西謀殺案》跟Sammi鄭秀文合作，他坦承女主角非Sammi莫屬，更直言冇對方電影拍唔成，還認為Sammi出色演出是他人生一大祝福，若對方能憑此片奪影后殊榮，比自己得獎更開心。另外，談到新婚太太Rita，他大讚對方是最好的選擇，令身邊人都好開心。撰文：杜淑霞 攝影：李權威 場地：英皇鐘錶珠寶中環旗艦店
潘源良認為將蘇梅岩編寫的同名舞台劇改編成電影是最好選擇，「因為人物比較簡單但豐富，加上成個故仔發生喺外地係一個優勢。」他亦坦承女主角非Sammi莫屬，「佢再後生啲演唔到，佢𠵱家有咁嘅經驗，有咁嘅年歲，唔需要太背叛原著，若果佢唔演都唔知點搵人，個計劃要摺埋，同佢傾時佢好開心，佢鍾意一啲複雜有挑戰嘅角色，大家叫做一拍即合。」
太太為理想選擇
完成作品後，潘源良更加覺得無揀錯女主角，「直情係我人生一大祝福，呢套戲其他演員好似上天嘅安排咁，譬如林嘉華、佟大為同阿Sa（蔡卓妍）都演得好好。」他更希望Sammi憑電影榮登影后，「梗係希望！但係好衰嘅獎項問題，硬係有啲人鍾意唱反調，就算做到不能再好，但總係有人話『有幾好呀！』要搞到爆冷先過癮嘅，我希望今次唔會（但提名應該唔難？）如果提名都唔得，我真係對呢個圈有小小心灰意冷。」他更坦言Sammi得獎比自己得獎更開心，「一定開心過自己攞，導演再叻都要靠演員去做。」
談到9月時在加拿大結婚的太太Rita，他直言新婚生活相當愉快，又話：「開心係一種選擇嚟。」86年跟前妻離婚，跟李麗珍離離合合多年，為何Rita令他有成家諗頭呢？他說：「Follow your heart！覺得會好、會開心、會正面，令到身邊周圍嘅人，包括我屋企人，包括我家姐開心嘅理想選擇。（之前冇諗過？）之前未曾到嗰個階段。」
來源 source: http://hd.stheadline.com
|
鍾意就快D Share啦！
|
|
|
