《文化廣場》正式停播。
現年89歲的資深藝人朱維德（朱翁）效力無綫數十年，由他主持了24年的文化藝術節目《文化廣場》今日是最後一集播放，這亦是他唯一的節目。《文》是繼早前訪談節目《今日VIP》、《兄弟幫》後又一停播節目。
朱翁受訪時對節目停播表示沒有依依不捨，他稱自己從其他途徑早悉節目做到十二月便停播，所以早有心理準備：「公司冇正式通知，依家佢哋立立亂，喺一個月前同我講一月後就唔係你哋做，所以我喺節目最後一集都冇同觀眾正式道別。據我所知個節目仲會喺度，但台前幕後都唔使做，改為買片返嚟播，唔知係買台灣定大陸，將來有冇人睇，我唔需要理。你做得好，佢都cut你緊有原因，因為佢窮冇錢，咪慳啲。（節目質素下降？）呢個唔關我事，但肯定啦，愈做愈衰。（有冇唔捨得？）我冇唔捨得，只係當一份職業。」
他稱六月便約滿無綫，但暫時仍未有人找他傾續約。《文化廣場》由1995年首播至今，由朱維德、章志文、張美妮等人主持，是無綫長壽節目之一。
來源 source: http://hk.on.cc
|
鍾意就快D Share啦！
|
|
|
