恭嘉晒！
藝人林子善早兩年同董佩欣（Kary）結婚，今年仲宣布有喜，凌晨時段佢喺社交網宣布太太小公主出咗世做咗爸爸嘅子善心情好興奮留言話：「媽咪超級無敵勁...冇麻醉順產分娩😱極速0至10度50分鐘小乖乖出世，由懷孕都出世成個過程歷歷在目，長大後可以唔錫爸爸但一定要錫媽咪#母愛真偉大#超乎常人。」
唔少好朋友如胡定欣、姚子羚同陳敏之火速送上祝福說話，相信係B女啱啱出世好多嘢要處理，子善再留言話：「未能回覆各位，再次多謝咁多位嘅擔心，母女平安！超能老婆50分鐘內完成整個分娩過程，去到最後話唔用無痛分娩，當堂眼都凸埋出嚟，母親嘅偉大令到我變成豬頭，哭成涙人，多謝咁多位嘅集氣。」
來源 source: http://hk.on.cc
|
鍾意就快D Share啦！
|
|
|
