2020年1月13日星期一

【頭條獨家】零危機意識湯怡撳住電話行足20分鐘 __,湯怡,

【頭條獨家】零危機意識湯怡撳住電話行足20分鐘

湯怡邊行邊撳電話，其實幾危險。

18年，32歲嘅湯怡同拍拖11年嘅洪卓立分手，之後喺19年曾經傳過同有婦之夫Gavin So行得好埋，英皇高層霍汶希隨即代否認，強調湯怡同Gavin只係「跑步腳」。日前，近年沉迷做運動，仲開YouTube頻道教修身嘅湯怡現身銅鑼灣，見佢由希慎行到去灣仔，全程20分鐘Keep住耷低頭撳電話，有意外時避唔切，危機意識低咗啲喎。採訪:梁志明

雖然無拖拍，但湯怡一啲都唔悶，因為佢有大把嗜好，例如做運動，跑步同瑜伽，近月仲玩埋跑山，兼開埋YouTube頻道教人修腰修肚腩同修大髀，記者玩咗一陣就成身汗，對腳好似唔係自己咁，頻道幾有用，可以Follow。

真係要改嘞

當日化咗妝嘅湯怡由銅鑼灣希慎行去時代廣場再行去鵝頸橋再去禮頓道然後向伊館方向行，之後再經隧道行去灣仔英皇駿景酒店。全程大約20分鐘，湯怡可以Keep住一直耷低頭撳電話覆短訊，見人過人，連過斑馬線都係低頭撳撳撳，都係嗰句，意外就係意料之外，專注力去咗電話度，身邊有事發生就避唔切，畀人撞到都唔好啦，要改嘞。