52歲魏駿傑和大陸老婆張利華結婚10年，兩人育有9歲獨生女，由於魏駿傑比老婆大20年，近年兩夫婦屢傳婚變，日前有雜誌影到張利華跟老外新歡偷食，兩人前後腳去睇馬戲，之後齊齊搭的離去，在車廂後座忘情激吻，偷食斷正。
張利華和老外新歡搭的到灣仔食日本料理撐枱腳，之後更雙雙去到老外新歡的寓所，兩人情到濃時又拖手又掃背又攬，張利華逗留至凌晨才返歸。據報道所指，張利華背夫偷食的老外新歡任職Banker，住在灣仔市值2000多萬的豪宅。
而魏駿傑接受傳媒訪問，看到老婆偷食啜爆老外的相片，他嘆氣表示：「咁多人鍾意喺車度咀，的士入面咁多事。」並坦言不知老婆出軌，問到會否離婚，他用佛偈回應：「緣聚而生，緣散而滅，人生四然，來是偶然，去是必然，盡其所然，順其自然。有情所造諸惡業，皆由無始貪瞋癡，從身語意之所生，一切有情皆懺悔。」
魏駿傑上星期在社交網留言：「從此與你相依為命。」不知是否暗示跟老婆情已逝，現與女兒相依為命呢？《蘋果》聯絡魏駿傑老婆了解，但沒有接聽電話，短訊亦沒回覆。
|
鍾意就快D Share啦！
|
|
|