【新增內容】
曾國祥與太太王敏奕今日再次到達養和醫院探望母親，二人約3時許到達，逗留一會兒後離開，他們接受訪問時透露農曆新年不會外遊，將留港度歲。
他們正忙着要籌備節日用品，由於母親喜歡吃蘿蔔糕，會買多幾底糕點招呼母親。到時一家人食團年飯，但暫未知時間，曾國祥說：「要睇番Daddy（曾志偉）時間，佢好似要飛拉斯維加斯，佢成日都要飛去嗰邊，可能會預早食。」到時母親亦會同行，他指母親預計今日出院。至於會否留家食大餐或是外出用膳？他則謂未決定，但母親不用戒口，將選擇權給母親：「佢乜都食得，唔使戒口，睇佢鍾意食乜。」問到若在家吃團年飯，太太王敏奕會否下廚幫手？他說：「佢好樂意煮，佢煮嘢食都OK㗎，但佢呢一排好忙，要拍劇。」站在旁的王敏奕聽到後忍不住笑。
隨後曾志偉到達醫院，約逗留一小時後獨自離開，穿上西裝的他讓記者影相後便上車，問到他是否知道妻子朱錫珍出院特別來探望，他微笑回答：「係呀！係呀！」被問新年到拉斯維加斯是否找賭神，他續笑着回答：「係呀！係呀！」
相隔數分鐘後，曾國祥與王敏奕扶着母親離開醫院，朱錫珍戴上口罩、帽和黑長褸，小心奕奕步行上車，記者叮囑近日翻風要穿多一點，她點頭回答：「有心，有心。」被問精神狀態是否很好？她說：「好好。」
另外，曾國祥舊愛A.Lin將做人妻嫁許廷鏗胞兄許永鏗，被問此事曾國祥說：「你問呢啲？我唔答喇！」
採訪：王連連
攝影：陳慧安
| 採訪：王連連 攝影：陳慧安 | | |
| | | |
|
鍾意就快D Share啦！
|
|
|