【口罩荒】寸高溫蒸口罩教壞人 邵仲衡：文明墜落的悲劇
武漢肺炎殺到，全城掀起搶口罩熱潮，見不少市民撲空，民建聯議員蔣麗芸（Ann姐）就提供一個應急的「解決」方法給大家，她昨晚於社交網轉發一條短片，「醒」大家一招「一次性口罩蒸氣消毒法」，並寫道：「當口罩供應短缺時，高溫蒸汽消毒可解燃眉之急。」
呢招Work唔Work就自行判斷嘞，不過卻即時引來大批網民鬧爆她教壞人，眾人紛紛留言揶揄：「支持Ann姐身先士卒，」、「不如你Share之前做吓基本嘅Fact check先好冇？」、「個口罩已經充滿細菌，處理不當分分鐘中招，唔好亂教人一陣搞到社會大爆發害死人」等，甚至連圈中人邵仲衡都忍唔住轉發兼寸道：「蒸完連隨5碗水煲埋1碗，趁熱呀，趁早。」最後，他仲爆粗砲轟：「蒸口罩，咪全屋喺，C＿S！」又謂此事是「文明墜落的悲劇」。
此外，梁芷珊亦出Po笑問Ann姐：「係咪俾人Hack咗Account呀？如果口罩蒸得，咁戴住沖涼咪得囉，開熱啲水，或者戴住佢焗Sauna，出返嚟咪消咗毒囉！咁你一個口罩咪夠用一世？」然而，港大感染及傳染病中心總監何栢良，事後已回覆傳媒查詢，指「高溫蒸罩」影片錯得離譜、害死人，又強調外科口罩應用完即棄，千祈咪再轉發有關影片喇！
來源 source: http://hd.stheadline.com
|
鍾意就快D Share啦！
|
|
|
