2020年2月11日 星期二

葉翠翠:第三個仔!葉翠翠宣布誕9磅大隻B:好多波折 #葉翠翠

恭喜晒!新冠肺炎疫情嚴峻,搞到大家心情都麻麻,今日終於有啲好消息開心吓!已育有兩子嘅前港姐葉翠翠於facebook報喜,宣布第三胎囝囝出咗世喇!佢上載 ...




恭喜晒!


新冠肺炎疫情嚴峻,搞到大家心情都麻麻,今日終於有啲好消息開心吓!已育有兩子嘅前港姐葉翠翠於facebook報喜,宣布第三胎囝囝出咗世喇!佢上載合照,留言:「人生又再一次踏入另一個階段。。在沒有思想準備之下,他來到了這個世界。比預期早了10天已經接近9磅,如果10天後相信會9磅幾。。成個過程太快了。。聽到喊聲之前,聽到醫生話 『嘩!好大隻呀』這次整個懷孕期真係百感交集,無論是自己或是周遭都遇到好多波折。。希望。。平平安安。。。」


比預產期早一星期


葉翠翠接受東網訪問時表示今次懷孕過程比之前兩次攰同辛苦:「醫生都有講過年紀大咗啲,同埋屋企要湊住兩個小朋友,樣樣嘢都好吃力,同埋陣痛都比頭兩胎強烈好多。」佢又大爆阿仔原來係早咗出世:「本來預定下星期先出世,醫生話佢(BB)要自己揀時間,唔要你安排畀佢嘅時間。」葉翠翠直言知道要生都有啲擔心,始終比預產期早咗成個星期:「不過醫生話已經足晒月,所以唔使擔心,而上一次做產檢係一星期前,醫生都話BB好大隻好重磅,可以放心唔使驚,一星期後生咗,醫生都話真係好重磅,完全冇任何問題,所以都比較放心。」

來源 source: http://hk.on.cc
鍾意就快D Share啦!